بۇگىن بيلىكتە اۋىس-تۇيىستەر ورىن الدى. ق ر پرەزيدەنتى نۇرسۇلتان نازاربايەۆتىڭ جارلىعىمەن 2019 جىلدىڭ اقپانىنا دەيىن سىرتقى ىستەر ءمينيسترى بولعان قايرات ءابدىراحمانوۆ قازاقستان رەسپۋبليكاسىنىڭ شۆەسيا كورولدىگىندەگى توتەنشە جانە وكىلەتتى ەلشىسى قىزمەتىنە تاعايىندالدى. ودان بولەك بەرىك ارىن، دارحان ساتىبالدى، اسقار تاجىبايەۆ تا جاڭا قىزمەتكە كەلدى. بۇل تۋرالى اقوردانىڭ رەسمي سايتى حابارلادى دەپ جازادى Qamshy.kz اقپارات اگەنتتىگى.
جارلىق مازمۇنى تومەندەگىدەي:
مەملەكەت باسشىسىنىڭ جارلىقتارىمەن:
قايرات قۇدايبەرگەن ۇلى ءابدىراحمانوۆ قازاقستان رەسپۋبليكاسىنىڭ شۆەسيا كورولدىگىندەگى توتەنشە جانە وكىلەتتى ەلشىسى قىزمەتىنە؛
بەرىك ساقباي ۇلى ارىن قازاقستان رەسپۋبليكاسىنىڭ ساۋد ارابياسى كورولدىگىندەگى توتەنشە جانە وكىلەتتى ەلشىسى، قازاقستان رەسپۋبليكاسىنىڭ يسلام ىنتىماقتاستىعى ۇيىمى جانىنداعى تۇراقتى وكىلى قىزمەتىنە؛
دارحان امانگەلدى ۇلى ساتىبالدى قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى قىزمەتىنە؛
اسقار ەرلىك ۇلى تاجىبايەۆ قازاقستان رەسپۋبليكاسىنىڭ تاجىكستان رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى.
ۇسىنعان: گۇلىم جاقان
