ينتەرنەت - الاياقتىق فاكتىسى بويىنشا 23 جاستاعى ازاماتقا قارسى الدىن الا تەرگەۋ جۇرگىزىلۋدە. كۇدىكتى – الماتى قالاسىنىڭ تۇرعىنى، ا. ەسىمدى ازامات «ينستاگرامم» جەلىسىن پايدالانۋشىلاردىڭ سەنىمىنە كىرۋ جانە الداۋ ارقىلى اڭقاۋ ازاماتتاردىڭ اقشالارىن يەمدەنىپ الدى دەپ حابارلايدى Qamshy.kz اقپارات اگەنتتىگى.

«جۇمىسسىز ەر ادام «Olimp_bets_kzzz» اتتى پاراقشا اشقان، وندا ول بۋكمەكەرلىك كەڭسەلەرگە ستاۆكا تىگۋ ارقىلى اقشانى كوبەيتىپ بەرۋدى ۇسىنعان. ءبىر قىزىعى، «سالعان اقشالارىن» 10 ەسەگە كوبەيتىپ العىسى كەلگەن ادامدار، پاراقشانىڭ اكىمشىسى ايتقانداي، اقشالارىن مىنا نومىردەگى «8-700-694-14-52» كيۆي ءاميانعا سالىپ، مۇلدەم بەيتانىس ادامعا جىبەردى. اقشانى العاننان كەيىن، قاسكوي، ارينە، ءوزىنىڭ «تۇتىنۋشىلارىمەن» بايلانىسقا شىقپاي، ولاردى بۇعاتتاپ تاستادى. قازىرگى ۋاقىتتا كۇدىكتى ا. ەسىمدى ازاماتتىڭ ارتىندا 4 قىلمىستىق ەپيزود بار. جالپى العاندا، قاسكوي الاياقتىق ارەكەتتەرى ارقىلى ازاماتتاردى شامامەن 6 ميلليون تەڭگەگە الدادى. وسى فاكتى بويىنشا ق ر قك-نىڭ 190 بابى 4 تارماعى 2 بولىمىنە سايكەس «الاياقتىق جاساۋ نەمەسە پايدالانۋشىنىڭ اقپاراتتىق جۇيەگە دەگەن سەنىمىن اسىرا پايدالانۋى» الدىن الا تەرگەۋ تىركەلدى»،–  دەپ حابارلادى، كريمينالدىق پوليسيا باسقارماسىنىڭ باستىعى، پوليسيا پودپولكوۆنيگى ەسەن ىسقاقوۆ.

سونىمەن قاتار، الماتى پوليسياسى الەۋمەتتىك جەلىدەگى جوعارىدا كورسەتىلگەن پاراقشانىڭ يەسىنىڭ قىلمىستىق ارەكەتتەرىنەن زارداپ شەككەن ازاماتتاردى مىنا تەلەفون نومىرلەرى بويىنشا حابارلاسۋلارىن سۇرايدى: 298-51- 36؛ 8-747-818-31-99 نەمەسە 102.

ۇسىنعان: فاريزا جومارت قىزى