21 ناۋرىزدا استانادا قالا تۇرعىنى زاۋرە ساعيدولدينانى پوليسيا ۇستادى. بۇل تۋرالى Qamshy.kz اقپارات اگەنتتىگى azattyq راديوسىنىڭ دەرەگىن نەگىزگە الا وتىرىپ حابارلايدى. 

ساعيدولدينا قالا اكىمدىگىنە بارىپ استانا اتاۋىن "نۇرسۇلتان" دەپ وزگەرتۋگە قارسىلىق تانىتپاق بولعانىن ايتادى.

قالا تۇرعىنىن ەكى پوليسيا تاڭعى وندار شاماسىندا اكىمدىككە كەتىپ بارا جاتقان جولدا ۇستاپ، پوليسيا دەپارتامەنتىنە الىپ كەتتى.

پوليسيا تۇرعىندى ۇستاپ جاتقان ساتتە قولىنداعى قاۋلىنى وقىپ بەردى. قاۋلىدا ساعيدولدينانى ەلدە تىيىم سالىنعان "قازاقستاننىڭ دەموكراتيالىق تاڭداۋى" قوزعالىسىنا قاتىستى قىلمىستىق ىسكە كۋاگەر رەتىندە شاقىرعان. پوليسيا ناقتى قاي قىلمىستىق ءىس ەكەنىن ايتپادى.

20 ناۋرىزدا پارلامەنتتىڭ قوس پالاتاسىنىڭ بىرلەسكەن وتىرىسىندا قازاقستان حالقىنا انت بەرىپ، پرەزيدەنت قىزمەتىنە كىرىسكەن قاسىم-جومارت توقايەۆ مەملەكەت استاناسىنا ەلدىڭ تۇڭعىش پرەزيدەنتى نۇرسۇلتان نازاربايەۆتىڭ ەسىمىن بەرۋدى ۇسىندى. ول "وبلىس ورتالىقتارىنداعى نەگىزگى كوشەلەرگە نازاربايەۆ اتىن بەرۋ كەرەك" دەدى. وسى كۇنى پارلامەنت استانا اتاۋىن نۇرسۇلتان دەپ وزگەرتۋ تۋرالى زاڭ جوباسىن قابىلداعان توقايەۆ ۇسىنىسىن استانا قالالىق ءماسليحاتى دا قولداعان. 

ۇسىنعان: فاريزا جومارت قىزى