نۇر-سۇلتان قالاسىنىڭ اكىمى باقىت سۇلتانوۆ پەن ق ر دەنساۋلىق ساقتاۋ ءمينيسترى ەلجان ءبىرتانوۆ ءىرى جول اپاتىنان زارداپ شەككەندەردىڭ جاعدايىن بىلۋگە باردى دەپ حابارلايدى Qamshy.kz اقپارات اگەنتتىگى Tengrinews.kz سايتىنىڭ دەرەگىن نەگىزگە الا وتىرىپ.

باقىت سۇلتانوۆ پەن ەلجان ءبىرتانوۆ قالاداعى №2 اۋرۋحاناداعى جول اپاتىنان زارداپ شەككەندەردىڭ جاعدايىن بىلۋگە باردى.

كلينيكانىڭ باس دارىگەرى يۆان ءليدىڭ سوزىنە قاراعاندا، اۋرۋحانادا ءقازىردىڭ وزىندە جول اپاتىنان زارداپ شەككەن 13 ادام تۇسكەن: ولاردىڭ سەگىزى ورتاشا اۋىرلىق دارەجەدە. زارداپ ششەكككەندەر ءقازىر تراۆماتولوگيالىق بولىمدە جاتىر. ەكەۋى حيرۋرگيا بولىمىندە، ال ۇشەۋى جانساقتاۋ بولىمىندە. 

"كەشە ءبىز اۋىر حالدە جاراقات العاندارعا  بەس وپەراسيا جاسادىق. بۇل وتە كۇردەلى وپەراسيا بولدى. سونداي-اق  جول اپاتىنان ۇلكەن جاراقات العان ايەلگە امپۋتاسيا جاسالدى. وكىنىشكە وراي، ونىڭ اياعىن ساقتاپ قالۋ مۇمكىن بولمادى." - دەيدى لي.

دارىگەر ناۋقاستاردىڭ  كەيبىرەۋى 7-10 كۇن ىشىندە ەمدەلىپ شىعاتىنىن اتاپ ءوتتى.

ەسكە سالا كەتەيىك، 26 ناۋرىزدا نۇر-سۇلتان قالاسىندا ۇلى دالا مەن قابانباي كوشەلەرىنىڭ قيىلىسىندا ءۇش اۆتوبۋس سوقتىعىسىپ، ەكى ادام قازا تاپقان بولاتىن.

اۋدارعان: فاريزا جومارت قىزى