30 جاسقا تولعان نۇرجان كەرمەنبايەۆ جىل باسىندا دۇركىرەتىپ توي جاساماق بولعان. سونداي-اق، ءانشى مەملەكەتتىك ماراپاتىن “جۋىپ”، كىشى ۇلىنىڭ تۇساۋىن كەستىرۋدى كوزدەگەن. الايدا نۇر-سۇلتان قالاسىندا تىرىدەي ورتەنىپ كەتكەن 5 قىزدىڭ وقيعاسىن ەستىگەن كەزدە كەرمەنبايەۆ بۇل ويىنان باس تارتقان. 

بۇل تۋرالى Stan.kz سايتى جازدى دەپ حابارلايدى Qamshy.kz اقپارات اگەنتتىگى.

نۇرجاننىڭ وتباسىمەن بىرگە مالايزيا ەلىندە جۇرگەن كەزى. ءبىر اپتادان ەلگە قايتپاق بولعان ءانشى شاقىرۋ ءتىزىمىن دە دايارلاپ قويىپتى. سوزىنە قاراعاندا، 300-گە جۋىق ادامنىڭ باسىم بولىگى – ونەر جۇلدىزدارى. 

“اعايىندارعا كەيىن بولەك جاسايمىز دەپ شەشتىك. ونەردەگى اعا-اپكەلەرىمە داستارحان جايايىن دەپ شەشتىم. مالايزيادان ەلگە ۇشىپ كەلەتىن كەزدە ەلىمىزدە قارالى وقيعا بولدى. وزدەرىڭىز بىلەسىزدەر، 5 بالا تىرىدەي ورتەنىپ كەتتى. سول وقيعادان كەيىن پىكىرلەردى كوردىم، ەل-جۇرت قايعىرىپ، اشۋلى بولىپ تۇرعان كەزدە توي جاساسام، كىنالى بولىپ قالاتىنىمدى سەزدىم. سوندىقتان ول تويدى بىردەن توقتاتتىم. ورىنسىز بولادى دەدىم. تويلار ءالى الدا”، – دەپ اعىنان جارىلدى نۇرجان.

نۇرجاننىڭ ءوزى 17 اقپان كۇنى 30 جاسقا تولسا، كەنجەسى ومار 18 اقپان كۇنى 1 جاسقا قادام باسقان. سونداي-اق، كەرمەنبايەۆ قازاقستاننىڭ قۇرمەتتى ازاماتى اتاعىن العان.

“30 جاسىمدى جاساماسام دا، ماراپاتىمدى تويلاماسام دا، ۇلىمىنىڭ تۇساۋىن كەستىم. پەرىشتەنىڭ جولىن بوگەمەيىن دەدىم”، – دەيدى ءانشى.

كەرمەنبايەۆ وزىنەن كەيىن جارىسا تۋعان كۇندەرىن تويلاعان ارىپتەستەرىن كىنالاۋدان اۋلاق ەكەنىن دە جەتكىزدى. 
“مەنەن كەيىن تۋعان كۇن يەلەرى تۇردى. قايرات نۇرتاس، ايقىن بار. جاساسا، ول كىسىلەردىڭ ءوز جاۋاپكەرشىلىگىندە. ولاردى كىنالامايمىن. بۇل جەردە سۇتتەن اق، سۋدان تازا بولىپ كورىنگىم كەلمەيدى”، – دەيدى ول. 

ۇسىنعان: گۇلىم جاقان