فەتيش بالىن وتكىزەتىنىن جازعان كاسىپكەر حالىقتىڭ نامىسىنا تيگەنى ءۇشىن كەشىرىم سۇرادى دەپ جازادى Qamshy.kz اقپارات اگەنتتىگى. بۇل تۋرالى ق ر قورعانىس مينيسترلىگىنىڭ باسپا ءسوز قىزمەتى مالىمدەدى. 

— "ارميا ءۇيى عيماراتىنىڭ بولمەسىن جالعا الىپ وتىرعان جەكە كاسىپكەر "پاك ا.پ." ءوزىنىڭ حالىقارالىق بدسم فەتيش بالىن وتكىزەتىنىن جاريالاپ، ازاماتتاردىڭ نامىستارىن قورلاعانى ءۇشىن كوپشىلىكتەن شىن نيەتىمەن كەشىرىم سۇرايدى. جەرگىلىكتى اتقارۋشى ورگاندار مەن عيمارات اكىمشىلىگىنىڭ ارالاسۋى ناتيجەسىندە ارەنداتور جوعارىدا اتالعان شارانى وتكىزۋدەن باس تارتۋ جونىندە شەشىم قابىلدادى. قازىرگى كەزدە اتالعان بولمە جابىق تۇر جانە قىزمەت ەتۋىن توقتاتتى. ءوز كەزەگىندە «ارميا ءۇيىنىڭ» اكىمشىلىگى بۇل تاقىلەتتەس شارالاردى عيمارات اۋماعىندا وتكىزۋگە ۇزىلدى-كەسىلدى تىيىم سالىنعاندىعىن مالىمدەدى - ، دەپ جازىلعان حابارلامادا. 

ەسكە سالا كەتسەك، بىرنەشە كۇن بۇرىن فەتيش بالى وتەتىنى تۋرالى افيشا قوعامدا ۇلكەن رەزونانس تۋعىزعان بولاتىن. اتالمىش بال 30-31 ناۋرىزدا وتكىزەدى دەپ جوسپارلانعان. 

ۇسىنعان: اسەل بولات قىزى