تۇركيادا قايتىس بولعان ەلدانا قاھارمان ءوزىنىڭ Instagram پاراقشاسىنا 21 ناۋرىزدا جازبا قالدىرعان دەپ جازادى Qamshy.kz اقپارات اگەنتتىگى. اتالمىش جازبادا ەلدانا قاھارمان استانا اتاۋىنىڭ وزگەرۋىنە قاتىستى ءوز پىكىرىن ءبىلدىرىپتى.
"ءبىزدىڭ ەلدىڭ بيلىگىنە نە جەتپەي جۇرگەنى بەلگىلى بولدى. ەشقانداي رەفەرەندۋمسىز استانانىڭ اتاۋىن وزگەرتۋگە شەشىم قابىلداپتى. مەن، ءبىز تاڭداماعان شەندىلەر استانانىڭ اتاۋىن وزگەرتتى. ءبىزدىڭ ەشقانداي تاڭداۋ قۇقىعىمىز جوق. مەن استانا اتاۋىنىڭ وزگەرۋىنە قارسىمىن"، - دەپ جازعان ەلدانا قاھارمان.
تۇركياداعى ارىپتەستەرى دە ەلدانا قاھارماننىڭ تۋعان-تۋىستارىنا، اتا-اناسىنا كوڭىل ايتىپ، ەلدانا تۋرالى ەستەلىكتەرىمەن ءبولىستى.
"ءبىز ءوز تەلەارنامىزدىڭ قوجايىنىن جوعالتقانداي بولىپ وتىرمىز. ەلدانا ۇنەمى كۇلىپ جۇرەتىن، اينالاسىن دا كۇلدىرەتىن ەنەرگياعا باي ءارى تۇسىنىگى مول قىز ەدى. اتا-اناسى مەن تۋعان تۋىستارىنا قايعىرا كوڭىل ايتامىز"، دەپ جازعان تەلەارنا جۋرناليستەرى.
ەلدانى تانيتىن جاندار وز-وزىنە قول سالدى دەگەنگە سەنبەيدى. سەبەبى ەلدانا ومىرگە قۇشتار قىز بولعان. اتالمىش جايت بويىنشا تەرگەۋ جۇمىستارى جۇرگىزىلىپ جاتىر.
سونداي-اق ەلدانا قاھارمان تۇركياداعى ءومىرى مەن قىزمەتى تۋرالى ءوزىنىڭ Youtube ارناسىندا ايتقان.
پوسموترەت ەتۋ پۋبليكاسيۋ ۆ Instagram
اۋدارعان: اسەل بولات قىزى
