سلوۆاكيادا تۇڭعىش رەت ايەل ادام ەل پرەزيدەنتى بولىپ سايلاندى دەپ حابارلايدى Qamshy.kz اقپارات اگەنتتىگى رەسەيدىڭ  bbc.com  سايتىنا سىلتەمە جاساپ.

سلوۆاكيادا وتكەن پرەزيدەنتتىك سايلاۋدىڭ ەكىنشى تۋرىندا ادۆوكات، قۇقىققورعاۋشى، جەمقورلىقپەن كۇرەسۋشى زۋزانا چاپۋتوۆا جەڭىسكە جەتتى. قارسىلاسى ماروش شەفچوۆيچ  جەڭىمپازدى جەڭىسىمەن قۇتتىقتادى.

چاپۋتوۆانىڭ ساياسي تاجىريبەسى جوق. ول سايلاۋدى زۇلىمدىق پەن جاقسىلىقتىڭ كۇرەسى دەپ اتادى.

وعان سايلاۋشىلاردىڭ 58،38 پايىزى قولداۋىن ءبىلدىردى. ال چاپۋتوۆانىڭ قارسىلاسى ەۋروكوميسسيا ءتوراعاسىنىڭ ورىنباسارى ماروش شەفچوۆيچتى ازاماتتاردىڭ تەك 41،62 پايىزى جاقتادى. ءسويتىپ، سلوۆاكيادا العاش رەت ايەل پرەزيدەنت بولدى.

ال سايلاۋدان كەيىن باسپا ءسوز ءماسليحاتىن وتكىزگەن زۋزانا چاپۋتوۆا ەلدىڭ دامۋىنا بار كۇش-جىگەرىن ايامايتىنىن ايتىپ ءوتتى. جاڭا پرەزيدەنت قىزمەتىنە ماۋسىمنىڭ 15-ىندە كىرىسەدى دەپ جازادى اتالمىش سايت. 

ۇسىنعان: ماقپال سەمباي