الەۋمەتتىك جەلىلەردىڭ بىرىندە كەڭىنەن تارالىپ كەتكەن تومەندەگى حاتتى ساۋال رەتىندە جولداعان وقىرمانعا islam.kz سايتى جاۋاپ بەردى دەپ حابارلايدى Qamshy.kz اقپارات اگەنتتىگى.
"ءساۋىر جاڭبىرىنىڭ پايدالارى... سۋلاردىڭ ىشىندەگى ەڭ تازا سۋ –ءساۋىر جاڭبىرى. ءساۋىر جاڭبىرىندا سۋلانعان كيىم شىرىمەيدى، شاشتار توگىلمەيدى، اسىرەسە وقىلعان ءساۋىر جاڭبىرى اللانىڭ رۇقساتىمەن قويانشىق اۋرۋىنا شيپا بولادى، پسيحولوگيالىق اۋرۋلارعا داۋا، ءتان اۋرۋلارىنا قارسى كوپ پايدالى... ءساۋىر جاڭبىرىنا وقىلاتىن دۇعا مەن سۇرەلەر. 1) سالاۋات ءشارىپ 70 رەت. 2) يستيعفار ءشارىپ 70 رەت. 3) فاتيحا ءشارىپ 70 رەت. 4) ءاياتۇل كۇرسى 70 رەت. 5) ءلاقاد جا-اكۋم (اياتىن سوڭىنا دەيىن) 70 رەت. 6) ياسين ءشارىپ 1 رەت. 7) ءالام ناشراح لاكا 70 رەت. 8) يننا ءانزالناھۋ 70 رەت. 9) كافيرۋن سۋرەسى 70 رەت. 10) يحلاس سۇرەسى 70 رەت. 11) ءفالاق سۇرەسى 70 رەت 12) ناس سۇرەسى 70 رەت. 13) سۋبحاناللاھي ءۋالحامدۋ ءليللاھي (ءتاسبيح دۇعاسى) 70 رەت. 14) ءلا ءحاۋلا ۋا ءلا قۋۋاتا ءيللا ءبيللاھيل الييل ازيم 70 رەت. 15) سالاۋات ءشارىپ 70 رەت. ەگەر وسى دۇعالاردى ءوزى وقي الماي جاتسا، قاتەسىز وقي الاتىن كىسىلەرگە وقىتادى..." مىنا مالىمەت whatsapp-تا تارالىپ جاتىر. وسى مالىمەت قانشالىقتى راس؟
العاشقى جاۋعان جاڭبىردىڭ پايداسىنا يشارا ەتكەن پايعامبار (س.ع.س.) ءحاديسى بار. ساحابا ءاناس يبن مالىكتىڭ ايتۋى بويىنشا، ولار پايعامبارمەن (س.ع.س.) بىرگە جۇرگەن كۇندەردىڭ بىرىندە جاڭبىر جاۋادى. سوندا اللا ەلشىسى جاۋعان جاڭبىر دەنەسىنە ءتيسىن دەپ، كويلەگىن شەشكەن ەكەن. نەگە ولاي ەتكەنىن سۇراعان ساحابالارعا ول (س.ع.س.): "بۇل جاڭبىر - راببىمنان جاڭا كەلۋدە"، ياعني، "جاراتۋشى اللانىڭ جاڭا جاراتقان نەسىبە-بەرەكەتى" دەپ جاۋاپ بەرگەن. (ساحيح، مۋسليم)
وسىعان وراي يمام ءناۋاۋي (ەر كىسىنىڭ) اۋرەت جەرىنە دەيىن (بەلگە دەيىن) كويلەگىن شەشىپ، العاشقى جاۋعان جاڭبىر سۋىن دەنەسىنە تيگىزۋى مۇستاحاب دەگەن.
ەندەشە، كوكتەمدە جاۋعان العاشقى جاۋىندى تەبەرىك دەپ ءبىلىپ، ونىمەن دەنەسىن جۋسا نەمەسە اۋاسى تازا جەردەگىلەر ونى ىشسە، اعاتتىعى بولماس
الايدا، ءدال "ءساۋىر ايىنداعى جاۋىنعا" بايلانىستى ناقتى ريۋايات كەزدەستىرمەدىك. ال جوعارىداعى مالىمەت كوبىنەسە "شييزم" اعىمى وكىلدەرىنىڭ كىتاپتارىندا ورىن العان. ولاردىڭ بەرگەن ءدىني مالىمەتى بىزگە نەگىز بولا المايدى.
ۇسىنعان: ماقپال سەمباي
