ءالجيردىڭ پرەزيدەنتى ابدەلازيز بۋتەفليكا حالىقتىڭ جاپپاي ەرەۋىلىنەن كەيىن وتستاۆكاعا كەتتى دەپ حابارلايدى Qamshy.kz اقپارات اگەنتتىگى شەتەلدىك باق-تىڭ دەرەگىن نەگىزگە الىپ. الجيردەگى ەرەۋىل 1 ايدان استام ۋاقىتقا دەيىن جالعاستى. 

اقپان ايىندا ابدەلازيز بۋتەفليكا 5-رەت وتكىزىلەتىن كەزەكتى سايلاۋعا قاتىساتىنىن مالىمدەگەن بولاتىن. الايدا ەلدە نارازىلىق كۇشەيىپ، 2 ناۋرىزدا مىڭداعان ادام ەرەۋىلگە شىقتى. 

ال بۋتەفليكا بولسا حالىقتىڭ سەنىمىن اقتاۋدى ماقسات  تۇتقانىن ايتىپ اقتالدى. 

82 جاستاعى پرەزيدەنت ءوزىنىڭ نە سەبەپتى وتستاۆكاعا كەتكەنىن بىلاي ءتۇسىندىردى:

— مەن ءقازىر حالىقتى تىنىشتاندىرعىم كەلەدى. ولاردىڭ جاڭا وزگەرۋس جاساۋىنا مۇمكىندىك بەرۋدى ماقسات ەتتىم. قازىرگى كەزدەگى ايىپتاۋلار مەن ەرەۋىلدەر ەلدىڭ جاعدايىن ودان سايىن تومەندەتۋى مۇمكىن. ال مەملەكەتتىڭ باستى ماقساتى ازاماتتار مەن ولاردىڭ مۇلكىن قورعاۋ. مەن باسشىلىق ەتكەن كەزدە حالىقتىڭ جاعدايىن جاقسارتۋ ءۇشىن بارىمدى سالدىم. ۇلتتىق بىرلىك، تاۋەلسىزدىك نەگىزدەرىن نىعايتا تۇسۋگە تىرىستىم. مەن الجير حالقىنا بار جاقسىلىقتى تىلەيمىن، - دەيدى ءالجيردى 1999 جىلدان بەرى باسقارعان ەكس-پرەزيدەنت. 

اۋدارعان: اسەل بولات قىزى