"ۇمىتىلماس كۇن" جانە "دۋداراي" ءانىن قازاق تىلىندە ورىنداعان ديماشتىڭ جانكۇيەرى قازاق حالقىنان كەشىرىم سۇرادى دەپ جازادى Qamshy.kz اقپارات اگەنتتىگى. لارا الەيحو قازاق حالقىنىڭ مادەنيەتى مەن ونەرىنە قىزىعۋشىلىق تانىتىپ جۇرگەنىن ايتتى.
لارا الەيحو بىرنەشە اي بۇرىن ديماشتىڭ "ۇمىتىلماس كۇن" ءانىن قازاق تىلىندە ايتىپ كوپتىڭ كوڭىلىنەن شىققان بولاتىن. جاقىندا "دۋدار-اي" ءانىن قازاق تىلىندە ورىندادى. الايدا اتالمىش ۆيدەوداعى كيىمىنە قاتىستى كوپتەگەن سىني پىكىرلەر ايتىلعان. كەلەڭسىز جايتقا بايلانىستى پورتۋگال قىزى قازاق حالقىنان Instagram پاراقشاسى ارقىلى كەشىرىم سۇرادى.
♦پورتۋگال قىزى ديماشتىڭ ءانىن قازاق تىلىندە ورىندادى (ۆيدەو)
"قۇرمەتتى وقىرماندارىم! مەن بۇل جازبام ارقىلى قازاق حالقىنان كەشىرىم سۇرايمىن. "دۋدار اي" ءانىن ورىنداۋ ارقىلى مەن قازاق حالقىنىڭ مادەنيەتى مەن ونەرىنە قۇرمەتپەن قارايتىنىمدى بىلدىرگىم كەلگەن ەدى. بۇل ەڭ ماڭىزدىسى. قازاق دەگەن ۇلى حالىقتىڭ مادەنيەتى مەن ونەرىنە قىزىعۋشىلىق تانىتىپ ءجۇرمىن. سول سەبەپتى ازداعان ولقىلىقتارعا كوڭىل بولمەۋلەرىڭىزدى سۇرايمىن. مەنىڭ كيىمىم ەۋروپا ەلدەرىندە دە، پورتۋگاليادا دا قالىپتى كيىم دەپ ەسەپتەلىنەدى. ءتىپتى جوعارى باعالانادى. سونداي-اق مەن بۇل كيىمدى جالعىز ءوزىم تاڭدامادىم. مۇنداي جۇمىستاردى اتقاراتىن ارنايى توپ جاساقتالعان. سول سەبەپتى تۇسىنىستىك تانىتاسىزدار دەپ ۇمىتتەنەمىن. مەن قازاق حالقىنىڭ ونەرى مەن مۋزىكاسىنا دەگەن ماحابباتىمدى كورسەتكىم كەلدى. سىزدەردىڭ قولداۋ بىلدىرگەندەرىڭىز ءۇشىن العىس ايتامىن. مەن مۇنى قاتتى باعالايمىن. بارلىعىڭىزدى جاقسى كورەمىن جانە تاعى دا كەشىرىم سۇرايمىن!"، - دەپ جازدى لارا الەيحو.
اۋدارعان: اسەل بولات قىزى
