سەمەي پوليگونىنان زارداپ شەككەن مىنا ازاماتتى جارتى الەم بىلەدى. جاپونيانىڭ، يتاليانىڭ دارىگەرلەرى ەمدەگەن. ەش كومەگى بولماعان.

بۇگىن مەن وسى جىگىتتىڭ ورتالىق بازارعا وتەتىن قابانباي كوشەسىندەگى جەر استى جولىنداعى باسپالداقتا قاپتاعان قايىرشىلاردىڭ اراسىندا قايىر تىلەپ وتىرعانىن كوردىم.
— قالىڭ قالاي باۋىرىم؟ بۇل نە وتىرىس؟ - دەدىم امانداسىپ.
— اعا ءسىز كىمسىز؟ - دەدى.
— مەن ايمۇحانبەت دەگەن اعاڭمىن. سەنى جاقسى بىلەمىن - دەدىم.
— اعا مەن وسىنداي جاعدايعا ءتۇستىم! انام قايتىس بولعان. ءقازىر مەنىڭ كۇنىم وسى. ەشكىمگە كەرەك ەمەسپىن - دەدى ول مۇڭايىپ.
مەن اناسىنا كوڭىل ايتىپ، ساداقامدى بەرىپ:
— نالىما باۋرىم! ءبارى جاقسى بولادى - دەدىم، جاسقا بۋلىعىپ، داۋسىم دىرىلدەپ.

سول جەردەن كەتكەن سوڭ وزىمە-وزىم ءبىراز كەلە المادىم. تۋا سالا تاعدىردىڭ تالكەگىنە تۇسكەن مىنا بەيكۇنا بەيباققا "قولىمنىڭ قىسقالىعىنان" كومەك بەرە المايتىنىما نالىدىم.
اينالايىن اكىمدەر-اۋ، باسقا-باسقا، مىنا پوليگوننان زارداپ شەككەندەرگە ءتىرى ەسكەرتكىش - مىنا جىگىتتكە قايىر تىلەتكەندەرىڭ قالاي؟ 

ءبىر كەلى رۋداسى جوق، ءبىر ليتر مۇنايى جوق جاپونيا ۇكىمەتى اتومنان زارداپ شەككەندەرىن قالاي قامقورلىققا العانىن بىلەسىڭدەر مە؟

شىعىس ءوڭىرىنىڭ اكىمى بولىپ، پوليگوننان زارداپ شەككەندەردى كوزىمەن كورگەن قازىرگى مينيستر ب.ساپاربايەۆ كوز قىرىن سالار. سەمەي قالاسىنىڭ اكىمى دە قالىس قالماس!

جەتىم-جەسىرلەرگە، مۇقتاج جاندارعا ءار قاشاندا قامقور بولىپ جۇرەتىن سەمەيدىڭ اتىمتاي-جومارتى مارات قۇرمانبايەۆ باۋىرىم باستاعان قالتالى ازاماتتار مۇنى كورسە، ءبىر كومەگىن بەرەر دەپ سەنەمىن! 
وسىنى كورگەن ەلباسى مەن ق ر پرەزيدەنتى ق.توقايەۆ رەسەيگە اتوم ستانسياسىن سالعىزباس بۇرىن "اقىلىنا" كەلەر دەپ سەنەمىن! جەتىم كورسەڭ - جەبەي ءجۇر دەگەن، دارحان قازاقتىڭ ۇرپاعى ەمەسپىز بە؟!