ق ر اقدم ازاماتتىق قوعام جانە ءدىن ىستەرى كوميتەتتەرىنىڭ ءتوراعالارى تاعايىندالدى دەپ حابارلايدى Qamshy.kz اقپارات اگەنتتىگى ق ر پرەمەر-مينيسترىنىڭ باسپا ءسوز قىزمەتىنە سىلتەمە جاساپ.

ق ر اقپارات جانە قوعامدىق دامۋ ءمينيسترىنىڭ بۇيرىعىمەن ءاليا قايرات قىزى عالىموۆا ازاماتتىق قوعام ىستەرى كوميتەتىنىڭ ءتورايىمى بولىپ جانە ەرجان بولاتقان ۇلى نۇكەجانوۆ ءدىن ىستەرى كوميتەتىنىڭ ءتوراعاسى لاۋازىمىنا تاعايىندالدى. 

ءا. عالىموۆا 1970 جىلى پاۆلودار قالاسىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىندە ءبىلىم العان. ءتۇرلى جىلدارى قازاق-گەرمان تەحنيكالىق بيزنەس-كوللەدجىندە، پاۆلودار مەملەكەتتىك ۋنيۆەرسيتەتىندە، ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە وقىتۋشى بولدى. 2003-2010 جج. قازاقستان رەسپۋبليكاسى پرەزيدەنتى اكىمشىلىگىنىڭ قۇرىلىمىندا باس ساراپشى، ءبولىم مەڭگەرۋشىسى، ىشكى ساياسات ءبولىمى مەڭگەرۋشىسىنىڭ ورىنباسارى بولىپ جۇمىس ىستەدى. 2010-2012 جج. پاۆلودار وبلىسى اكىمىنىڭ ورىنباسارى. 2012-2015 جج. قازاقستان رەسپۋبليكاسى ءبىلىم جانە عىلىم مينيسترلىگىنىڭ جاۋاپتى حاتشىسى بولىپ قىزمەت ەتتى. 2016 جىلى «نۇر وتان» پارتياسىنىڭ ءتوراعاسىنىڭ ءبىرىنشى ورىنباسارىنىڭ كەڭەسشىسى بولدى. 2016 جىلدىڭ قاراشاسىنان ازاماتتىق قوعام ىستەرى كوميتەتىنىڭ ءتورايىمى قىزمەتىن اتقاردى.

ە. نۇكەجانوۆ 1981 جىلى الماتىدا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن ءتامامداعان. 2002 جىلى ەڭبەك جولىن «قازاقستان تەلەديدارى مەن راديوسى» رەسپۋبليكالىق كورپوراسياسى» جاق اقپاراتتىق-تالدامالىق قىزمەتىنىڭ رەداكتور-جۇرگىزۋشىسى بولىپ باستاعان. 2002-2009 جىلدارى حالىقارالىق زاماناۋي ساياسات ينستيتۋتىندا، «حابار» اگەنتتىگىندە، «نۇر وتان» رەسپۋبليكالىق ساياسي پارتياسى» قم-دا، ق ر مادەنيەت جانە اقپارات مينيسترلىگىندە جۇمىس ىستەگەن. 2009-2016 جىلدارى — ق ر پرەزيدەنتىنىڭ باسپا ءسوز قىزمەتىندە ساراپشى، كەڭەسشى جانە سەكتور مەڭگەرۋشىسى رەتىندە قىزمەت ەتكەن. 2016-2018 جج. ق ر پارلامەنتى ءماجىلىسىنىڭ اپپارات باسشىسىنىڭ ورىنباسارى لاۋازىمىن اتقارعان. 2018 جىلعى ماۋسمىنان باستاپ اقپارات كوميتەتىنىڭ ءتوراعاسى قىزمەتىن اتقارعان.

ۇسىنعان: ماقپال سەمباي