داليان قالاسىندا ورنالاسقان حيميالىق زاۋىتتىڭ جارىلعانى تۋرالى اقپارات شىندىققا جاناسپايدى. داليان قالاسىنىڭ ءورت ءسوندىرۋ قىزمەتىنىڭ مالىمەتىنە سۇيەنسەك، ءورت قويمالاردىڭ بىرىندە عانا ورىن العان.

ءبىرشاما ۋاقىت بۇرىن قىتايدىڭ باسپا ءسوز قۇرالدارىندا داليان قالاسىندا ورنالاسقان حيميالىق زاۋىتتىڭ ورتكە ورانعانى تۋرالى جانە ونى اۋىزدىقتاۋ جۇمىستارى ءجۇرىپ جاتقانى جايلى اقپارات جارىق كوردى.

"جەكسەنبى كۇنى كەشكى ساعات 18:54 شاماسىندا ءورت ءسوندىرۋ بريگاداسى سزينپۋ اۋدانىندا ورنالاسقان قويمادان ءورت شىققانى تۋرالى حابار الدى. ناتيجەسىندە قويمادا ساقتاۋلى تۇرعان اعاش تاقتايشالار، مايلى بوياۋلار، كەرمايكالىق زاتتار جانىپ كەتكەن"، - دەلىنگەن جاريالانعان مالىمدەمەدە.

ءورت ءسوندىرۋ قىزمەتىنىڭ مالىمدەۋىنشە، جالىن 400 شارشى مەتر اۋماقتى قامتىپ، ونى سوندىرۋگە ەكى ساعاتقا جۋىق ۋاقىت كەتكەن.

"عالامتوردا تاراپ جاتقان حيميالىق زاۋىتتاعى جارىلىس تۋرالى اقپارات  شىندىققا جاناسپايدى"، - دەلىنگەن حابارلامادا.

ۇسىنعان: ادىلەت مادەنيەت