Business Insider باسىلىمى قازىرگى ۋاقىتتا ساتىلىمدا بار سمارتفونداردىڭ ۇزدىك 20 مودەلىن اتادى.

رەيتينگ كوشىن OnePlus 6T سمارتفونى باستادى. بۇل گادجەت سوڭعى زاماناۋي ەرەكشەلىكتەردەن ادا. مىسالى، سىمسىز قۋاتتاعىش جانە سۋ وتكىزبەيتىن قاسيەت دەگەندەي. ءبىراق قىمبات باعاسى مەن ادەمى سىرت ءپىشىنى ونىڭ رەيتينگ كوشىن باستاۋىنا ىقپال ەتتى.

ەكىنشى ورىندا Samsung كومپانياسىنىڭ ءونىمى Galaxy S10e سمارتفونى ورنالاسقان. قۇرىلعى ەرەكشە ەكرانىمەن، تاماشا كامەراسىمەن جانە قولجەتىمدى باعاسىمەن ۇتىمدى.

Apple كومپانياسىنىڭ ءونىمى - iPhone XR ءۇشىنشى ورىنعا جايعاسقان. ساراپشىلاردىڭ پىكىرىنشە، الپاۋىت كومپانيانىڭ بۇل مودەلى باعا قولجەتىدىلىگىمەن ەرەكشەلەنەدى ەكەن.

ءتورتىنشى جانە بەسىنشى ورىندى يەلەنگەن سمارتفوندار - Samsung Galaxy «وتباسىنان» شىققان S10 Plus جانە S10 مودەلدەرى.

العاشقى بەستىكتەن بولەك ۇزدىك وندىققا كەلەسى مودەلدەر كىردى: Google Pixel 3 جانە Pixel 3 XL، Samsung Galaxy Note 9، iPhone XS جانە iPhone XS Max، Samsung Galaxy S9 Plus، iPhone X.

سونىمەن قاتار، ساراپشىلار كەلەسى وندىقتى دا ەڭ ۇزدىك سمارتفوندار قاتارىنا جاتقىزادى: iPhone 8 Plus، Samsung Galaxy S9، Huawei Mate 20 Pro، iPhone 8، Razer Phone 2، LG V40، Apple iPhone 7 جانە 7 Plus، Moto G7، LG G8 جانە BlackBerry Key2.

ۇسىنعان: ادىلەت مادەنيەت