ۆلاديمير زەلەنسكيي ۋكراينا سايلاۋىندا جەڭىسكە جەتتى. ەندى الداعى 5 جىلدا ەلدى زەلەنسكيي باسقاراتىن بولادى.  ال ونىڭ ايەلى ەلەنا ءبىرىنشى لەدي اتاندى. ۋكراينانىڭ ءبىرىنشى لەديى تۋرالى نە بىلەمىز؟ Qamshy.kz اقپارات اگەنتتىگى ەلەنا زەلەنسكايا تۋرالى قىزىقتى اقپاراتتاردى وىرمان نازارىنا ۇسىنادى. 

ەلەنا 1978 جىلى 16 اقپاندا دۇنيەگە كەلگەن. العاشىندا ونىڭ تەگى كياشكو بولعان. جاس جۇبايلار ءبىر مەكتەپتە وقىپتى. دەگەنمەن ولار مەكتەپ كەزىندە بىر-بىرىمەن مۇلدەم ارالاسپاعان. مەكتەپ ءبىتىرۋ كەشىنەن كەيىن زەلەنسكيي كوشەدەن ەلەنانى كورىپ، بىرگە فيلم كورۋگە شاقىرادى. بۇل كەزدە ەلەنا باسقا ءبىر جىگىتپەن كەزدەسىپ، ارالاسىپ جۇرگەن ەدى. ءبىراق ول زەلەنسكييدى ۇناتىپ، الگى جىگىتپەن ارا قاتىناسىن ۇزەدى. ولار 8 جىلعا جۋىق ازاماتتىق نەكەدە تۇرعان.

"لەنا ۇنەمى قاشان ۇيلەنەتىنىمىز تۋرالى سۇراي بەرەتىن. ال مەن ۇيلەنگەن سوڭ بىردەن بالا-شاعالى بولاتىنىمىزدى ويلادىم. وسى سەبەپپەن مەن اسىعىستىق تانىتقىم كەلمەگەن"، - دەپ ەسكە الادى زەلەنسكيي. 

ولار 2003 جىلى وتاۋ قۇرادى.  ءقازىر ولار ءبىر قىز بەن ءبىر ۇلدىڭ اتا-اناسى. 2004 جىلى الەكساندرا ەسىمدى قىز دۇنيەگە كەلسە، 2013 جىلى كيريلل اتتى ۇل ومىرگە كەلەدى. 

ۋكراينانىڭ پرەزيدەنتى ەلەنانى جاقىن دوسى رەتىندە كورەدى. ءتىپتى ولاردىڭ رومانتيكالىق كەشكى اسى دا جينالىس سەكىلدى وتەدى ەكەن. 

ەلەنا زەلەنسكايانىڭ نەگىزگى ماماندىعى ارحيتەكتور بولسا دا ول ءوز ماماندىعى بويىنشا جۇمىس ىستەمەگەن. زەلەنسكييمەن تانىسقان كۇننەن باستاپ ونىڭ ءومىرى كۇرت وزگەرە باستادى. ونىڭ شىعارماشىلىق الەمگە دەگەن قىزىعۋشىلىعى ارتتى. زەلەنسكيي كۆن-گە قاتىسقان كەزدە دە ەلەنا كۇيەۋىنىڭ كومانداسىنا سەناريي جازىپ جۇرگەن.  سودان ول زەلەنسكيي باسقارعان "كۆارتال-95"  ستۋدياسىندا سەناريي اۆتورى بولىپ قىزمەت اتقارعان. زەلەنسكييداڭ كوپتەگەن وبرازدارى ەلانانىڭ كومەگى ارقىلى پايدا بولىپتى. ءقازىر "زەلاري فيش" كومپانياسىنىڭ ازداعان اكسياسىن يەلەنگەن. 

ءبىر قىزىعى، ەلەنا كۇيەۋىنىڭ پرەزيدەنتتىك سايلاۋعا قاتىسۋىنا قارسىلىق بىلدىرگەن. ءبىراق زەلەنسكيي ناقتى شەشىم قابىلداپ، رەسمي مالىمدەمە جاساعان كۇننەن باستاپ ەلەنا كۇيەۋىنە قولداۋ ءبىلدىرىپ، سايلاۋالدى جۇمىستارعا قول ۇشىن سوزعان. ازىرگە ءبىرىنشى لەديدىڭ ساياسي الەمدە قانداي قىزمەت اتقاراتىنى بەلگىسىز. ەلەنانىڭ ءوزى جۋرناليستەرگە بەرگەن سۇحباتتارىندا ازىرگە ەشقانداي جوسپارى جوق ەكەنىن، تەك كۇيەۋىنە كەز كەلگەن جايتتا قولداۋ بىلدىرەتىنىن ايتقان.

سونداي-اق ەلەنا ءان ايتقاندى جاقسى كورەدى. ءجاسوسپىرىم كەزدە ول ءان بايقاۋلارىنا قاتىسىپ، اكتريسا بولۋدى ارمانداعان. ۋكراينانىڭ ءبىرىنشى لەديى كوپشىلىكتىڭ ورتاسىندا جۇرگەندى اسا ۇناتپايتىن كورىنەدى. 

"مەن كوپشىلىكتىڭ نازارىندا ءجۇرىپ، راحات الاتىن ادامداردىڭ قاتارىنان ەمەسپىن"، - دەيدى ەلەنا. 

جەرگىلىكتى ب ا ق وكىلدەرى قازىرگى تاڭدا ەلەنا زەلەنسكييدىڭ كيىم-كيىسى مەن حوببيلەرى تۋرالى جارىسا جازۋدا. ەلەنا قىمبات كيىنگەندى اسا ۇناتپايدى ەكەن. ول بيىك وكشەلى اياق كيىمنەن گورى سپورتتىق ىڭعايلى اياق كيىمدى تاڭدايدى. قازىرگى تاڭدا ەلەنا ءوزىنىڭ ءيميدجىن وزگەرتۋگە تىرىسىپ جاتقانى بايقالادى.