الماتىداعى مارافوندا ۇستالعانداردىڭ قاتارىندا ءىلياس جانسۇگىروۆ پەن وراز جاندوسوۆتىڭ شوبەرەلەرى بار دەپ جازادى Qamshy.kz اقپارات اگەنتتىگى. كەشە الماتى وتكەن مارافون كەزىندە بەيبارىس تولىمبەتوۆ، ءاسيا تولەسوۆا جانە سۇيىنبيكە سۇلەيمەنوۆا مارافونعا كەدەرگى كەلتىردى دەگەن جەلەۋمەن ۇستالعان ەدى. كەيىن ءاسيا تولەسوۆا مەن بەيبارىس تولىمبەتوۆ 15 كۇنگە قاماۋعا الدى. 

ءاسيا تولەسوۆا  — 1938 جىلى رەپرەسسيانىڭ قۇربانى بولعان تانىمال اقىن ءىلياس جانسۇگىروۆ پەن وراز جاندوسوۆتىڭ شوبەرەسى. جاقىندا يلفا جانسۇگىروۆانىڭ نەمەرەسىنە قولداۋ كورسەتكەن  جازباسى فەيسبۋك جەلىسىندە قىزۋ تالقىلانىپ جاتىر. 

"قىمباتتى، اسەنكا! ەشتەڭەگە قاراماي مىقتى بول! بەكەم بولۋىڭدى تىلەيمىن!  ەڭ باستىسى دەنساۋلىق. ءبىز سەنى تۇسىنەمىز ءارى جاقسى كورەمىز! يلفا ءىلياس قىزى جانسۇگىروۆا-جاندوسوۆا. 21 ءساۋىر 2019 جىل. الماتى"، - دەپ جازعان يلفا جانسۇگىروۆا. 

يلفا جانسۇگىروۆا - ءىلياس جانسۇگىروۆتىڭ قىزى ءارى وراز جاندوسوۆتىڭ كەلىنى. ول — قۇپيا تۇردە ازاپپەن ولتىرىلگەن سانجار جاندوسوۆتىڭ جەسىرى. 

ۇسىنعان: اسەل بولات قىزى