ق ر كەزەكتەن تىس پرەزيدەنت سايلاۋىنا ۇمىتكەر ەرتىندە تىركەلگەن جۇماتاي الييەۆ مەملەكەتتىك ەمتيحاننان وتە الماي قالدى. بۇل تۋرالى وسك-نىڭ لينگۆيستيكالىق كوميسسياسىنىڭ مۇشەسى ءادىل احمەتوۆ حابارلادى دەپ جازادى Qamshy.kz اقپارات اگەنتتىگى.

"ءاربىر ۇمىتكەر ەمتيحاندى ءۇش كەزەڭ بويىنشا تاپسىرادى. ءبىرىنشى كەزەڭدە ول "مەملەكەت جانە ءدىن" تاقىرىبىنا شىعارما جازدى. ەكىنشى تاپسىرمادا م.اۋەزوۆتىڭ "اباي جولى" رومانىنان ءۇزىندى وقىدى، ال ءۇشىنشى بولىمدە "ىرىس الدى – ىنتىماق" تاقىرىبىندا ەركىن بايانداما جاساۋى ءتيىس بولعان. ۇمىتكەر جازبا جۇمىسىنا ءبىر جارىم ساعاتتان اسا دايىندالدى. ءۇزىندى وقۋعا دايىندىق جاساۋعا كەتكەن ۋاقىت تا از ەمەس"، - دەدى احمەتوۆ.

ونىڭ ايتۋىنشا، كوميسسيا مۇشەلەرى ناتيجەلەردى جان-جاقتى تالقىلاي وتىرىپ، بۇل ۇمىتكەردى مەملەكەتتىك ءتىلدى تولىق مەڭگەرمەدى دەگەن شەشىم شىعاردى.

"جازبا جۇمىسىندا ول پۋنكتۋاسيالىق جانە ستيليستيكالىق قاتەلەردى كوپ جىبەرگەن. ناقتىلاي ايتساق، بارلىق قاتەلەر سانى – 19"، - دەدى سپيكەر.

"حالىق دەموگرافياسى" پارتياسى ۇسىنعان ۇمىتكەردىڭ جولى وسىلايشا ەرتە قيىلدى. ءدال قازىرگى ۋاقىتتا پرەزيدەنتتىك سايلاۋعا ءتورت پارتيا مەن بەس قوعامدىق قوزعالىستان ۇمىتكەرلەر ۇسىنىلعان.

ۇسىنعان: ادىلەت مادەنيەت