بۇگىن باقىت سۇلتانوۆتىڭ توراعالىعىمەن قالالىق اكىمدىكتىڭ كەزەكتى وتىرىسى ءوتتى، دەپ حابارلايدى Qamshy.kz اقپارات اگەنتتىگى ەلوردا اكىمدىگىنىڭ رەسمي سايتىنىڭ دەرەگىن نەگىزگە الىپ.

وتىرىس باسىندا قالا اكىمى باقىت سۇلتانوۆ نۇر-سۇلتان قالاسىنىڭ پروكۋرورى لاۋازىمىنا تاعايىندالعان باۋىرجان مىرزاكەروۆتى، پوليسيا دەپارتامەنتىنىڭ باستىعى قىزمەتىنە تاعايىندالعان پوليسيا پولكوۆنيگى ەرجان سادەنوۆتى جانە ينۆەستيسيا جانە كاسىپكەرلىكتى دامىتۋ باسقارماسى باسشىسىنىڭ قىزمەتىنە جاڭادان تاعايىندالعان ەرلان بەكمىرزايەۆتى تانىستىردى.

كۇن تارتىبىندەگى العاشقى ماسەلە قالانىڭ تۇرعىن ۇي-كوممۋنالدىق شارۋاشىلىعىنىڭ قازىرگى احۋالى: ەكولوگيالىق سەنبىلىك، جىلىتۋ ماۋسىمىن اياقتاۋ بويىنشا قالا اكىمىنىڭ ورىنباسارى ارمان تۇرلىبەك بايانداپ بەردى. ونىڭ ايتۋىنشا، بۇگىنگى تاڭدا قالانىڭ بارلىق تىرشىلىگىن قامتاماسىز ەتۋ مەكەمەلەرى قالىپتى رەجيمدە جۇمىس ىستەۋدە. ەلەۋلى توتەنشە جاعدايلار تىركەلگەن جوق.

"قالادا ەكى اي بويى سانيتارلىق تازالاۋ جۇمىستارى جۇرگىزىلدى. كوپ جۇمىس اتقارىلدى. الايدى بۇل باعىتتاعى جۇمىستاردى توقتاتۋعا بولمايدى. بۇل شارالاردى جالعاسىتىرىپ قانا قويماي، ولارعا كوممۋنالدىق قىزمەتتەردى، پيك-دى عانا ەمەس بارلىق قالا تۇرعىندارىن تارتۋ كەرەك"، – دەدى باقىت سۇلتانوۆ. 

سونداي-اق قالا اكىمى 2010 جىلى "استانا قالاسىنىڭ شەت ايماقتارىنىڭ 2020 جىلعا دەيىن ورتا مەرزىمدى پەرسپەكتيۆادا دامىتۋ تۇجىرىمداماسى" بەكىتىلگەنىن ەسكە سالدى.

"بۇگىنگى تاڭدا ءبىزدىڭ شەت ايماقتارعا قاراپ، جۇمىس جۇرگىزىلمەدى دەپ ايتۋعا بولادى. جولداردان باستاپ، قاراپايىم كوشەنى جارىقتاندىرۋعا دەيىن"، - دەپ اتاپ ءوتتى قالا اكىمى. وسى ورايدا ول اۋدان اكىمدەرىنە 27 مامىرعا دەيىن "استانا قالاسىنىڭ شەت ايماقتارىن 2020 جىلعا قاراي ورتا مەرزىمدى پەرسپەكتيۆادا دامىتۋ تۇجىرىمداماسى" اياسىندا اتقارىلعان جۇمىستار تۋرالى ەسەپتى ۇسىنۋدى؛ ورتا مەرزىمدى پەرسپەكتيۆاعا ارنالعان "استانا قالاسىنىڭ شەت ايماقتارىن دامىتۋ تۇجىرىمداماسىنا" ۇقساس قالالىق قۇجاتتاردى اۋدان بولىگىندە دايىنداۋدى؛ تيىسىنشە، قالا ماڭىنداعى ەلدى مەكەندەردى دامىتۋ ءۇشىن جەكە جاۋاپكەرشىلىك قابىلداۋدى تاپسىردى.

ب. سۇلتانوۆتىڭ ايتۋىنشا، كۇن سايىن استاناعا اقمولا وبلىسىنىڭ جاقىن ورنالاسقان ەلدى مەكەندەرىنەن 60 مىڭعا جۋىق ازامات كەلەدى. وندا تۇراتىن حالىقتىڭ كوپشىلىگى قالاداعى قىزمەتتەردى پايدالانادى، ەلوردادا جۇمىس ىستەيدى، ءبىلىم الادى.

"قالا ماڭىنداعى ەلدى مەكەندەردە جۇمىس ورىندارىن قۇرۋ، ورتا ءبىلىم الۋ ءۇشىن عانا ەمەس، سونىمەن قاتار ورتا ارنايى ءبىلىم الۋ، بوس ۋاقىتتى وتكىزۋگە ارنالعان ورىنداردى جانە ت.ب. قولعا الۋ كەرەك. بۇل اۋىلداردىڭ بارلىعى استانانىڭ مارتەبەسىنە ساي بولۋى كەرەك، ويتكەنى ول استانانىڭ ءدال ىرگەسىندەگى اۋماق"، – دەدى اكىم.

باقىت سۇلتانوۆ اۋدان اكىمدەرىنە 1 ماۋسىمعا دەيىن اقمولا وبلىسى اكىمدىكتەرىمەن جانە اۋداندارمەن ازاماتتار ءۇشىن ءومىر ءسۇرۋ دەڭگەيىن كوتەرۋ بويىنشا جۇمىستى ۇيلەستىرۋدى، اقمولا جانە قاراعاندى وبلىستارىنىڭ قاتىسۋىمەن بىرلەسكەن جۇمىس توپتارىن قۇرىپ، جول كارتاسىن ازىرلەۋدى، ەلدى مەكەندەردى بىرلەسە دامىتۋدى تاپسىردى. تاعى ءبىر قارالعان ماسەلە اۋلا الاڭدارىنىڭ قاۋىپسىزدىگىنە قاتىستى بولدى.

"بۇگىنگى تاڭدا اۋلانى قاۋىپسىزدىكپەن قامتاماسىز ەتەتىن ناقتى وپەراتور جوق. اۋدان اكىمدىكتەرى قالالىق ورتا ساپاسى جانە باقىلاۋ باسقارماسىنا سىلتەيدى. ولار پاتەر يەلەرىنىڭ كووپرەاتيۆتەرىنە سىلتەيدى. پوليسيا دەپارتامەنتى اكىمدىككە سىلتەيدى. جاۋاپتى ادام جوق!"، - دەدى ب. سۇلتانوۆ.

"قالا اكىمى اۋدان اكىمدەرىنە، قالالىق ورتا ساپاسى جانە باقىلاۋ، ينۆەستيسيالىق جانە كاسىپكەرلىكتى دامىتۋ باسقارمالارىنىڭ باسشىلىعىنا  پوليسيا دەپارتامەنتى جانە پاتەر يەلەرىنىڭ كووپەراتيۆتەرىمەن بىرلەسىپ، 27 مامىرعا دەيىن "ءقاۋىپسىز اۋلا" باعدارلاماسىن ازىرلەۋدى تاپسىردى. ءبىلىم بەرۋ باسقارماسىنىڭ باسشىسى ءانۋار جانعوزين ءبىرىڭعاي ۇلتتىق تەستىلەۋگە (ۇبت) دايىندىق بارىسى تۋرالى باياندادى. ونىڭ دەرەكتەرى بويىنشا بيىل ەلوردالىق مەكتەپتەردى 6747 تۇلەك ءتامامدايدى. الدىن الا دەرەكتەر بويىنشا ونىڭ 5 856-سى ۇبت تاپسىرادى. "التىن بەلگىگە" ۇمىتكەرلەردىڭ سانى 304 قۇراسا، ۇزدىك اتتەستاتتان 250-گە جۋىق وقۋشى ءۇمىتتى"، – دەدى ا.جانعوزين.

رەسپۋبليكادا ۇبت-نى وتكىزۋ مەرزىمى 20 ماۋسىم مەن 5 شىلدە ارالىعىنا بەلگىلەنگەن. ال نۇر-سۇلتاندا ۇبت قاي ۋاقىتتا وتەتىنى ماۋسىم ايىنىڭ باسىندا بەلگىلى بولادى.