ءيا، اڭگىمە شەشەنستان رەسپۋبليكاسىنىڭ باسشىسى – رامزان احمات ۇلى قادىروۆتىڭ قىمبات شەتەلدىك كولىكتەرى تۋرالى. ءارتۇرلى دەرەككوزدەرىنە سۇيەنسەك، بۇل كولىكتەردىڭ يەسى تىكەلەي ءوزى بولسا دا، ەشبىرى شەشەن پرەزيدەنتىنىڭ اتىنا راسىمدەلمەگەن. كولىكتەردىڭ قوجايىنى دەپ پرەزيدەنتتىڭ تۋىستارى، دوستارى نەمەسە «احمات» سپورت كلۋبى كورسەتىلگەن.

Bugatti Veyron

شەشەن رەسپۋبليكاسى باسشىسىنىڭ كولىك تۇراعىندا ەكى كەرەمەت گيپەركارالارعا دا ورىن تابىلعان ەكەن. ولاردىڭ ەڭ جوعارى جىلدامدىعى ساعاتىنا -400 شاقىرىم. ءبىرىنشىسى ستاندارتتى نۇسقاسىندا ۇسىنىلىپ، ونى رامزان احمات ۇلى ءوزى العان. ال بارلىق شاناق پانەلدەرى ايرىقشا كاربونمەن بولىنگەن ەكىنشى كولىكتى شەشەن رەسپۋبليكاسىنىڭ وكىلەتتى وكىلىنىڭ ءتوراعاسى تامەرلان مينگايەۆ سىيعا تارتقان.  كولىكتىڭ بۇل نۇسقاسىنىڭ باعاسى 1،5 ملن ەۆرونى قۇرايدى ەكەن.

Lamborghini Reventon

يتاليالىق برەندتىڭ ايرىقشا كەرەمەت كولىكتەرىنىڭ ءبىرى – Lamborghini Reventon. قادىروۆتىڭ توپتاماسىنان بۇل كولىكتى دە تابا الاسىز. ساتىلىمعا بار-جوعى 20 كولىك شىعارىلعان جانە بىرەۋى Lamborghini كومپانياسىنىڭ مۇراجايىنا قويىلعان. كولىكتىڭ كاپوتىنىڭ استىندا ونى ساعاتىنا 350 شارشى شاقىرىمعا دەيىن «ۇشىراتىن» 650 ل.س جاسىرىلعان. مىنا ءبىر جايت ەستەن كەتپەس. شىعارىلعان كەزدە اۆتوكولىكتىڭ قۇنى 1،5 ملن دوللار بولعان. ال ءقازىر كوللەكسيالىق نۇسقاسىنىڭ قۇنى 2،5 ميلليون دوللاردى قۇرايدى.

Mercedes-Benz SLR McLaren

نەمىس كونسەرنىنەن شىققان كلاسسيكالىق «شاعالا قاناتىن» بەينەلەيتىن سپورتتىق كۋپە 2000-جىلدىڭ باسىندا پايدا بولعان. ول قۋاتى 650 ل.س. قۇرايتىن 5،5 ءليترلى قوزعالتقىشپەن جابدىقتالعان. قادىروۆتىڭ توپتاماسىندا مۇنىڭ امەريكالىق نۇسقاسى بار. ول نارىققا شىققان بويدا باسشىنىڭ كولىك تۇراعىنا كەلىپ تۇسكەن.

رامزان احمات ۇلى بريتاندىق اۆتوشاباندوز ستيرلينگ موسستىڭ قۇرمەتىنە شىعارىلعان 75 Mercedes-Benz SLR McLaren Stirling Moss اۆتولىكتەرىنىڭ ءبىرىنىڭ يەگەرى. راستالماعان اقپاراتتارعا سۇيەنسەك، اۆتوكولىك اتاقتى رەپەر تيماتيگە سىيعا بەرىلگەن دەيدى. 

Aston Martin One-77

كەيبىر جەرگىلىكتى ب ا ق وكىلدەرى قادىروۆتى بىرەگەي Aston Martin One-77 تىزگىنىندە بايقادىق دەپ حابارلايدى. بار-جوعى 77 داناسى وندرىستەن شىققان. ونىڭ ءبارى سالتاناتتى تۇساۋكەسەرىنەن ءبىر جىل بۇرىن ساتىلىپ كەتكەن. كاپوتتىڭ استىندا 12ء-سيليندرلى V-تەكتەس، كولەمى  7،3 ليتر، قۋاتى 760 ل.س بولاتىن اتموسفەرالىق قوزعالتقىش ورنالاستىرىلعان. 

Ferrari F430

ماسكەۋدەگى وتانداستارىنان شەشەن باسشىنا 30 جاسقا تولعان كۇنى ەرەكشە سىيلىق تارتۋ ەتىلدى. سەناتور ومار دجابرايلوۆ پەن كاسىپكەر رۋسلان بايساروۆ قادىروۆقا  اسا قىمبات قاپ-قارا «فەرراري"  سىيعا بەرىلگەن. رامزان قادروۆتىڭ كوپتەگەن اۆتوكولىكتەرى سەكىلدى سپوركار دا «كرا» دەگەن ەرەكشە سەريالى نومىرگە يە بولدى.

Mansory

رامزان احمات ۇلى وسى تيۋنينگ-اتەلەگە ەرەكشە قارايدى. قاۋەسەتكە سەنسەك، بىرنەشە جىل بۇرىن شەشەن باسشىسى گروزنىيداعى ۇيىنە Mansory تيۋنينگ-اتەلە قوجايىنى كۋروش مەنسوريدى شاقىرتقان دەسەدى. كەلىسسوزدەر شەشەن رەسپۋبليكاسىنىڭ اۋماعىندا وكىلدىگىنىڭ اشىلۋى تۋرالى بولعان. قادىروۆتىڭ توپتاماسىندا قۇنى 700 000 دوللار تۇراتىن Mercedes-Benz AMG GT Mansory، سونىمەن قاتار، Mercedes G63 AMG Sahara Edition Mansory بار.

سونىمەن قاتار، شەشەنستان باسشىسىنىڭ يەلىگىندە Mansoryء-دىڭ 6 دوڭگەلەكتى "قۇبىجىعى"- Mercedes-Benz G 63 AMG 6ح6 بار. 

گاز-3102

ەرتەرەكتە قادىروۆقا بىرەگەي «ۆولگا» 3102 كولىگى سىيعا بەرىلگەن. اۆتوكولىك 2008 جىلى شىققان. وعان جوندەۋ جۇمىستارى جاسالعان. قوزعالتقىشى Toyota-نىكىنە ۇقساس تۇرىنە الماستىرىلعان، اۆتوماتتىق ترانسميسسيا ورناتىلدى، ارتقى بولىگى Volvo-نىكى، سالون تۇگەلدەي اپپاق بىلعارىمەن قاپتالعان، ال تاڭبالانعان ديسكتەرى حرومنان قۇيىلعان. 

وزگە وتاندىق اۆتوكولىكتەر

رامزان قادىروۆتىڭ اۆتوكولىك توپتاماسىنىڭ ىشىندە رەسەي اۆتوونەركاسىبىنەن شىققاندار دا بار. ونىڭ كولىك تۇراعىندا «ۆولگادان» وزگە، زاز-968، Lada Priora جانە ۆاز-2105 دا ورىن تاپقان ەكەن.

ايتا كەتسەك، قادىروۆ كۇندەلىكتى مىنىسكە ەكى Chevrolet Tahoe GMT900 پايدالانادى. شەشەنستان رەسپۋبليكاسى باسشىسىنىڭ كورتەجى ەرەجەگە ساي Mercedes-Benz AMG-دان نەمەسە Porscheء-نىڭ سوڭعى ۇلگىسىنەن تۇرادى.