جۇڭگو عالىمدارى اسپان جۇيەسىنە جاساندى ايدىڭ ماكەتىن ۇشىرماق دەپ جازادى Qamshy.kz اقپارات اگەنتتىگى.

جاساندى جەر سەرىگىن ىسكە قوسۋدان كوزدەلەتىن باستى ماقسات - عالامشاردىڭ جارىق بولىگىندەگى كۇن ساۋلەسىنە شاعىلىسۋى ناتيجەسىندە تاۋلىكتىڭ تۇنگى ۋاقىتىندا قالانى كۇندىزگىدەي جارىق ەتۋ. العاشقى تاجىريبە جۇمىستارىن جۇرگىزۋ ءۇشىن قىتايدىڭ وڭتۇستىك-باستىسىندا ورنالاسقان 11 ميلليون تۇرعىنى بار چەندۋ قالاسى تاڭدالىپ الىنعان.

جوبا اۆتورلارىنىڭ ايتۋىنشا، جوبا ىسكە قوسىلسا، جىلىنا 170 ملن دوللار كولەمىندە مەملەكەت قاراجاتىن ۇنەمدەۋگە مۇمكىندىك بەرەدى.

العاشقى "اي" عارىشقا 2020 جىلى ۇشىرىلماق. ەگەر بارلىعى ويداعىداي جۇزەگە اسار بولسا، 2022 جىلعا قاراي تاعى 3 جەر سەرىگىن ۇشىرۋ كوزدەلىپ وتىر.

جۇڭگو جاساعان "ايدىڭ"، قۇداي جاساعان ايدان ايىرماشىلىعى سول، ول ناعىز ايعا قاراعاندا 8 ەسە مول جارىق تاراتادى-مىس. جوبا ينجەنەرلەرىنىڭ سوزىنە سەنسەك، بۇل قۇرىلعى تۇندە تىرشىلىك ەتەتىن جان-جانۋارلارعا مۇلدە زالالى تيمەيدى.  جاساندى جەر سەرىگىنىڭ قانداي كولەمدە بولاتىنى تۋرالى ازىرگە ناقتى اقپارات جوق، ال جارىقتاندىرۋعا قاۋقارلى ايماعىنىڭ كولەمى – 10 شاقىرىمنان 80 شاقىرىمعا دەيىن سوزىلۋى مۇمكىن.

اۋدارعان: داۋرەن سىبانباي