ەينشتەيننىڭ اتىن ەستىمەگەن ادام از شىعار. ونىڭ عىلىمعا قوسقان سۇبەلى ۇلەسى، ادام قۇقىعى ءۇشىن ءومىر بويى جاساعان كۇرەسى سىيلاۋعا تۇرارلىق. عالىمنىڭ تاعى ءبىر ەرەكشەلىگى – ءومىر بويى اياعىنا شۇلىق كيمەگەن.
اڭگىمەنى شۇلىقتان باستايىق. سىزدەرگە دە قىزىق بولىپ وتىرعان ەرەكشەلىك وسى بولار، بالكىم. ەينشتەيننىڭ ەكىنشى ايەلى ەلزا قايتىس بولعاننان كەيىن عالىمدى ءوزىنىڭ قالاي كيىنىپ جۇرگەنى ويلاندىرماعان سەكىلدى.
جاس كەزىندە جارقىراعان جىگىت رەتىندە تانىلعان جانە ءاردايىم ەرەكشە تازا ءارى جاراسىمدى كوستيۋمدەر كيىنىپ جۇرگەن. سوعان قاراعاندا، عالىمنىڭ ايەلى ونىڭ سىرتقى كوركىنە قاتتى ءمان بەرسە كەرەك.
ەلزا دۇنيەدەن وتكەننەن كەيىن ەينشتەينگە پرينستون ۋنيۆەرسيتەتىندە پروفەسسور اتاعىن بەردى. وسى قىزمەتىنەن باستاپ ايگىلى عالىم ءساندى كيىنۋدىڭ ورنىنا ىڭعايلى، ىقشام كيىنە باستادى. عالىمنىڭ بۇل وزگەرىسى كوپتەگەن ادامنىڭ قىزىعۋشىلىعىن تۋعىزدى. ەندى شە؟ الدىڭىزدا سپورتتىق جەيدە مەن شۇلىقسىز سۇيرەتپە كيىپ بارا جاتقان پروفەسسور كورسەڭىز، ءسىز دە كۇلەتىن شىعارسىز.
البەرت ەينشتەين جاڭا قىزمەتكە كىرىسكەننەن كەيىن تاعى دا وزگە نارسەلەرگە ۋاقىت تابا المايتىن ادامعا اينالادى. وزگەلەردىڭ ول تۋرالى قانداي پىكىردە ەكەنى تۋرالى ويلانۋعا مۇرشاسى دا جوق ەدى.
عالىم ءومىرىنىڭ سوڭعى جىلدارىندا ناسىلشىلدىككە قارسى كۇرەسىپ، بەلسەندى تۇردە ازاماتتىق قۇقىقتى تاپتاۋدى ءبىرجولا جويۋعا كىرىسكەن. ءدال وسى ماقساتىمەن ومىردە ءوتتى.
اۋدارعان: ادىلەت مادەنيەت
پىكىر قالدىرۋ