«قازاقستان ارۋى 2019» تيتۋلىن پاۆلودارلىق ءمادينا باتىق جەڭىپ الدى دەپ حابارلايدى Qamshy.kz اقپارات اگەنتتىگى ktk.kz سايتىنا سىلتەمە جاساپ.

«قازاقستان ارۋى - 2019» بايقاۋى NOMAD City Hall ساحناسىندا ءوتتى. قازىلار القاسى ەلىمىزدىڭ بارلىق وڭىرىنەن قاتىسقان 32 ارۋدىڭ تەك 5-ەۋىن سۋپەر-فينالعا شىعاردى.

ولار ءۇش تاپسىرمانى ورىندادى: ءوزىن تانىستىرۋ، كيىم ۇلگىسىن كورسەتۋ جانە قىسقا مەتراجدى فيلم ارقىلى ءوز ءوڭىرىنىڭ تۋريستىك الەۋەتىن پاش ەتۋ.

كونكۋرس بارىسىندا جەڭىمپازعا قىمبات باعالى تاستارمەن، ىنجۋمەن بەزەندىرىلگەن ءتاج كيگىزىلىپ، ءۇش ميلليون تەڭگە كولەمىندە اقشالاي سىيلىق تاپسىرىلدى.

سونداي-اق، بويجەتكەن جوعارى ساپالى برەندتەرمەن كوپتەگەن جارنامالىق كەلىسىمشارت، پاريجگە جولداما جانە ەلىمىزدىڭ اتىنان «الەم ارۋ» بايقاۋىنا قاتىسۋعا مۇمكىندىك الدى. 

ءبىرىنشى ۆيسە-ميسس بولىپ ديانا ابىشيەۆا اتاندى. ول قازاقستان اتىنان "عالام ارۋىنا" قاتىسادى.

ەكىنشى ۆيسە-ميسس نادەجدا نەدوسەكينا، ءۇشىنشى ۆيسە-ميسس ءسانيا مەرعالييەۆا بولدى.

حالىقتىق داۋىس بەرۋ مەن قازىلار القاسىنىڭ پىكىرى بويىنشا ۇزدىك بەستىككە: ديانا ابىشيەۆا (الماتى)، ءسانيا مەرعالييەۆا (نۇر-سۇلتان)، مادينا باتىق (پاۆلودار)، نادەجدا نەدوسەكوۆا (سەمەي) جانە بالجانات اناس (شىمكەنت) كىردى.

ۇسىنعان: ماقپال سەمباي