قاسىم-جومارت توقايەۆتى بىلىكتى ديپلومات رەتىندە ءبارىمىز بىلەمىز، ءبىراق ونىڭ ەڭبەك جولىن قاشان، قايدا باستاعانىن بىلە بەرمەيمىز. ول  جاۋاپكەرشىلىگى جوعارى ديپلوماتيالىق قىزمەتىن ورتا ازياداعى سىرتقى قارىم-قاتىناس، ساياسي رەفورمالاردىڭ جاسالۋىنا تىكەلەي ارالاسۋدان باستادى. سونىڭ ىشىندە جاس ديپلومات ق. توقايەۆ جۇڭگو مەن كەڭەس وداعىنىڭ اراسىنداعى ديپلوماتيالىق قارىم-قاتىناستىڭ ءساتتى جۇزەگە اسىرىلۋىنىڭ كۋاگەرى بولدى.  

ول ديپلوماتيالىق ەڭبەك جولىن 1970 جىلى سسرو كەزىندە ماسكەۋ مەملەكەتتىك حالىقارالىق قاتىناستار ينستيتۋتىندا وقىپ جۇرگەندە قىتايدا وقۋ تاجىريبەسىنەن وتۋدەن باستادى. 

كەيىن، 1983 جىلى پەكين لينگۆيستيكالىق ينستيتۋتىنان تاعىلىمدامادان وتەدى.

وسىلايشا، ول ديپلوماتيالىق ەڭبەك جولىن 1985-1991 جىلدار ارالىعىندا قىتايداعى كەڭەس وداعىنىڭ ەلشىلىگىندە قىزمەت ەتۋدەن باستادى.

ونىڭ قىتايداعى كەڭەستىك ەلشىلىكتە ىستەۋى ديپلوماتيا جولىندا بىردەن ۇلكەن تاجىريبە جيناۋعا مۇمكىندىك بەردى. سەبەبى، 1980 جىلداردىڭ اياعىندا جۇڭگو كەڭەس ۇكىمەتىنىڭ سىرتقى ساياساتىنىڭ ەڭ قيىن جانە ماڭىزدى باعىتتارىنىڭ ءبىرى بولاتىن. الايدا، ءساتتى ديپلوماتيالىق قارىم-قاتىناستىڭ ارقاسىندا ەكى ەل اراسىندا شيەلەنىسكەن ماسەلەلەر شەشىلىپ، جاڭا ساياسي رەفورمالار ورناي باستادى. 

توقايەۆ سول كەزدەگى قىتايدىڭ ساياسي رەفورمالاۋ، مەملەكەتتىك جۇيەسىن قالىپتاستىرۋ جانە جاڭا ەكونوميكالىق مودەلگە اۋىسۋ كەزەڭىن تىكەلەي باقىلاي الدى. قىتايدىڭ دامۋشى كەدەي ەلدەن الەمدىك ەكونوميكالىق الپاۋىتقا اينالۋى سياقتى ءساتتى رەفورماسىنىڭ كۋاگەرى رەتىندە «مەملەكەتتى مودەرنيزاسيالاۋدى» جۇيەلەرىن جاقسى بىلەدى. 

ءبىرقاتار جىلدار كەڭەس وداعىنىڭ قىتايداعى ەلشىلىگىندە قىزمەت اتقارعان ديپلومات جۇڭگو ءتىلىن ەركىن مەڭگەرگەن، قىتايدىڭ مەنتاليتەتىن، ەلدى دامىتۋ لوگيكاسىن جاقسى تۇسىنەدى.

توقايەۆتىڭ سسرو قۇرامىندا كەڭەس-قىتاي ەلشىلىگىندە قىزمەت ەتۋى قازاقستاننىڭ شىعىستاعى كورشىمىزبەن تىعىز دوستىق قارىم-قاتىناس ورناتۋعا سەبەپكەر بولدى.