GGG Promotions كومپانياسىنىڭ باقىلاۋشى ديرەكتورى توم لەففلەر اتاقتى كاسىبي بوكسشىنىڭ اتىنىڭ جازىلۋىن وزگەرتكەنىن جانە ونىڭ نە سەبەپتەن بۇلاي جاساعانى تۋرالى ايتتى دەپ حابارلايدى Qamshy.kz اقپارات اگەنتتىگى Sports.kz پورتالىنا سىلتەمە جاساپ.

"ونىڭ اتى "دجەنناديي" ەمەس، "گەنناديي". ءبىز ماركەتينگ، جارناما جانە جالپى الەۋمەت ءۇشىن وسى ۋاقىتقا دەيىن ونىڭ ەسىمىن "Gennady" دەپ كەلدىك. دۇرىسىندا ونىڭ ەسىمى لاتىن ءقارپى بويىنشا "Gennadiy" دەپ جازىلۋى ءتيىس. بۇل – تەحنيكالىق وزگەرىس. ەگەر كىمدە-كىم بۇل ەسىمدى جاتتاۋ قيىن دەسە، Triple G دەپ قولدانسىن. "ميللياردەرى" سەريالىندا دا بوكسشىنى وسىلاي اتايدى. ءسىز وسىنداي دەڭگەيگە جەتكەن كەزدە، بوكس شەڭبەرىنەن الدەقاشان شىعىپ كەتكەنىڭىزدى تۇسىنەسىز. ول O2 Arena، "مەديسون سكۆەر گاردەن"، T-Mobile Arena سياقتى ۇلكەن ارەنالاردا شوۋ جاساپ، ەلدىڭ سۇيىكتىسىنە اينالدى. ونى كۇللى الەم جاقسى كورەدى"، - دەيدى توم لەففلەر.

گولوۆكين ءوز اتىنداعى ارىپتەردى وزگەرتىپ جاتقاندا، ونىڭ جانكۇيەرلەرى بوكسشىنىڭ لاقاپ اتىن وزگەرتىپ جىبەردى. ابەل سانچەسكە اقشا قيماي، ساراڭدىق جاسادى دەگەن پىكىردەگى جانكۇيەرلەر ونى "اقشا" (Money) دەپ اتادى.

ابەل سانچەس پەن گولوۆكيننىڭ دە ەكى جولعا بولىنگەنى جانكۇيەرلەرگە اسا ۇناي قويعان جوق. كەز-كەلگەن ساتىلىمنان، تۇسىمنەن باس باپكەر 10 پايىز ۇلەس الۋى كەرەك بولعان. گولوۆكين ونى 2 پايىزعا دەيىن قىسقارتقان كەزدە سانچەستىڭ وكپەسى قارا قازانداي بولىپ، كەلىسىمشارتتى بۇزعان ەدى. ال گولوۆكين بولسا وزىنە جاڭا باپكەر تاۋىپ ۇلگەرىپتى. ونىڭ ەسىمى سەنبى كۇنى جاريا بولماق.  

ەسكە سالا كەتەيىك، "اقشا" دەگەن لاقاپ ات بوكس الەمىندە بار. ول كىشى فلويد مەيۆەزەرگە تيەسىلى.

ۇسىنعان: ادىلەت مادەنيەت