بوس پلاكاتپەن تۇرعان بەلسەندىنى قاماۋعا العان ورال پوليسياسى تۇسىنىك بەرۋ ءۇشىن پروكۋراتۋراعا جۇگىندى دەپ حابارلايدى Qamshy.kz اقپارات اگەنتتىگى «ۋرالسكايا نەدەليا» سايتىنا سىلتەمە جاساپ.

پوليسەيلەردىڭ ويىنشا، بەلسەندى "ءوز ويىن" بىلدىرگەنى ءۇشىن كىنالى. سونى دالەلدەپ، كۆاليفيكاسيالاۋ ءۇشىن پروكۋروردىڭ كومەگى كەرەك.

ەستەرىڭىزگە سالا كەتەيىك، ورالدا 22 جاستاعى اسلان ساعۋتدينوۆ بوس پلاكاتپەن تۇرعانى ءۇشىن قاماۋعا الىنىپ، جارتى ساعاتتان كەيىن قايتا بوستاندىققا شىقتى. ءبىراق كەلەسى كۇنى پوليسەيلەر ونىڭ ءىس-قيمىلدارىندا بەيبىت ميتينگ وتكىزۋ تۋرالى زاڭ بۇزۋشىلىق ارەكەتتەرى بار دەپ قايتادان قاماۋعا الىندى.

"6-مامىر كۇنى ساعات 11.00 – دە "102" وپەراتور پۋلتىنە اباي اتىنداعى الاڭدا قولىندا پلاكاتى بار بەلگىسىز ەر ادامنىڭ تۇرعانى جايلى، قاسىنا ادامدار جينالىپ جاتقاندىعى تۋرالى قوڭىراۋ كەلىپ ءتۇستى.ونى پاترۋلدىك پوليسيا ناريادى ورال قالاسى ءىىب اباي پوليسيا بولىمىنە جەتكىزدى. جەكە باسى مەن پلاكاتپەن شىعۋ سەبەپتەرى انىقتالعاننان كەيىن 22 جاستاعى وبلىس تۇرعىنى ءىىب عيماراتىنان كەتتى. بۇل رەتتە پوليسيا قىزمەتكەرلەرى زاڭ اياسىندا ارەكەت ەتكەن. ونىڭ ىس-ارەكەتتەرىندە ق ر اقبتك-نىڭ 488-بابىندا كوزدەلگەن اكىمشىلىك قۇقىق بۇزۋشىلىق قۇرامىنىڭ بەلگىلەرى قارالادى. قازىرگى ۋاقىتتا ماتەريال پروكۋراتۋراعا زاڭدىق باعا بەرۋ ءۇشىن جىبەرىلدى"، — دەلىنگەن بقو پوليسيا دەپارتامەنتىنىڭ باسپا ءسوز حابارلاماسىندا.

پوليسيا دەپارتامەنتىنىڭ باسپا ءسوز قىزمەتىنىڭ جەتەكشىسى بولاتبەك بەلدىبەكوۆ ايتۋىنشا، اسلان ساعۋتدينوۆ بوس پلاكات ءۇشىن ەمەس، ءوز پىكىرىن بىلدىرگەنى ءۇشىن قۇرىقتادى.

"قۇقىق بۇزۋشىلىقتى جاساۋدىڭ وبەكتيۆتى جاعى ولاردىڭ بوس پلاكاتتى كورسەتۋ ەمەس، "قازاقستاندا دەموكراتيا مەن ءسوز بوستاندىعىنىڭ جوقتىعى تۋرالى" ساياسي پىكىرلەرى بولىپ تابىلادى، ول قوعامدىق ورىندا ءوز پىكىرىن ءبىلدىردى"، — دەدى بولاتبەك بەلدىبەكوۆ.

اۋدارعان: اديلچەنوۆ يلدار