ازاماتتىق اۆياسيا كوميتەتى «سيەۆەرنىي ۆەتەر» (Nordwind) اۋە كومپانياسىن اككرەديتاسيادان وتكىزدى دەپ حابارلايدى Qamshy.kz اقپارات اگەنتتىگى  اۆياسيا كوميتەتتىڭ باسپا ءسوز قىزمەتىنە سىلتەمە جاساپ.

كوكتەم-جاز مەزگىلىندە "سيەۆەرنىي ۆەتەر" اۋە كومپانياسى سامارا-الماتى باعىتى بويىنشا اپتاسىنا 1 رەت تۇراقتى تۇردە جولاۋشىلاردى Boeing 737 جانە Airbus 321 ۇشاقتارىندا تاسىمالداۋدى جوسپارلاپ وتىر.

"سيەۆەرنىي ۆەتەر" اۋە كومپانياسىنىڭ پاركى Boeing جانە Airbus ۇشاقتارىنىڭ ەڭ تانىمال ۇلگىلەرىمەن جاساقتالعانىن اتاپ وتكەن ءجون.

قازاقستاننىڭ بارلىق حالىقارالىق باعىتتاعى رەيستەرىنىڭ 1/3 بولىگى رەسەيمەن تىعىز بايلانىستا. سول سەبەپتى ازاماتتىق اۆياسيا كوميتەتىنىڭ قازاقستان رەسپۋبليكاسى مەن رەسەي فەدەراسياسىنىڭ اۋە قاتىناسىن دامىتۋ بويىنشا جۇمىسى جالعاساتىن بولادى دەپ حابارلادى.

"سيەۆەرنىي ۆەتەر" (Nordwind) اۋە كومپانياسى 2008 جىلى قۇرىلعان. بۇگىنگى تاڭدا "سيەۆەرنىي ۆەتەر" رەسەي فەدەراسياسىنىڭ جولاۋشىلار تاسىمالى بويىنشا العاشقى 10 اۋە كومپانياسىنىنىڭ قاتارىنا ەنگەن.

ۇسىنعان: مارجان سابەت