قازاقستاندىقتاردى سيريادان ەۆاكۋاسيالاۋ وپەراسياسى مامىر ايىنىڭ 7-9 ارالىعىندا ءوتتى. ولاردى ەلگە قايتارۋ ءۇشىن ۇشاق اقتاۋ اۋەجايىنان ۇشقان بولاتىن. ءدال سول ۇشاقپەن اقتاۋعا 231 ادام قايتارىلدى  دەپ حابارلايدى Qamshy.kz اقپارات اگەنتتىگى "لادا" سايتىنا سىلتەمە جاساپ.

"وزدەرىڭمەن بىرگە تەك كەرەك زاتتاردى الىڭدار، قالعانىن كەيىن بەرەدى"، - دەگەن ەكەن قازاقستاندىقتارعا ارنايى قىزمەتكەرلەر.

"جۋسان-2" وپەراسياسى ناتيجەسىندە 59 ايەل ادام مەن 156 بالانى وتانىنا قايتاردى. ولاردىڭ ىشىندە 18 جەتىم بولعان. بالالارعا ويىنشىق دايىنداپ قويعان. ەڭ كىشكەنتاي بالانى ارنايى قىزمەتكەرلەر قولدارىنا كوتەرىپ كەلگەن.

ولاردىڭ اراسىندا سابيلەر دە بولعان. ەلگە قايتارىلعان ايەلدەردىڭ ءبىرى ءۇشىنشى بالاسىنىڭ دۇنيەگە كەلگەنىنە جەتى كۇن بولعانىنا ايتقان. جاسى 23-تە ەكەن. ونىڭ ايتۋىنشا، ەكى بالاسى مەن جولداسى يراكتا بومبانىڭ استىندا قالىپ، قازا تاپقان.

بىرنەشە بالا سوعىس كەزىندە العان جاراقاتتارىنا بايلانىستى اۋىر حالدە مەديسينالىق مەكەمەگە جەتكىزىلگەن.

قازىرگى تاڭدا ايەلدەر مەن بالالار وڭالتۋ ورتالىقتارىنا جەتكىزىلىپ، دارىگەرلەر مەن پسيحولوگتاردىڭ قاراۋىندا.

ەلگە قايتارىلعان قازاقستاندىقتاردىڭ ىشىندە 16-سى حالىقارالىق تەرروريستىك ۇيىمداردىڭ قاتارىندا بولعان. 

سيريادان قازاقستان ازاماتتارىن قايتارۋ شاراارى جالعاساتىن بولادى.

ۇسىنعان: ماقپال سەمباي