نۇر-سۇلتان قالاسىندا ەسىل وزەنىنە باتىپ بارا جاتقان 12 جاسار قىزدى قۇتقارعان جىگىتتىڭ كىم ەكەندىگى بەلگىلى بولدى دەپ حابارلايدى Qamshy.kz اقپارات اگەنتتىگى.

ول تۋرالى Erzhan Bagdatov ەسىمدى ازامات ءوزىنىڭ facebook-تەگى پاراقشاسىندا جازدى. 

باتىردىڭ ەسىمى - ەرلان رايىمقۇلوۆ. "ەسىل وزەنىندە قىزدى اجالدان امان الىپ قالىپ، ءوزى سۋعا كەتكەن جىگىت اۋە قورعانىس كۇشتەرىنىڭ 47762 اسكەري ءبولىمىنىڭ سەرجانتى ەرلان رايىمقۇلوۆ. ونىڭ ارتىندا ايەلى مەن ەكى ۇلى قالدى»، -دەپ جازىلعان جازبادا.

ەسكە سالا كەتسەك، 10 مامىر كۇنى ساعات 12-10-دا ەسىل وزەنىنىڭ «گازماشاپپاراتۋرا» ساياجاي اۋماعىندا «ورتالىق وڭىرلىك اەروموبيلدى جەدەل قۇتقارۋ جاساعى» مم قۇتقارۋشىلارى ءيتىنىڭ سوڭىنان سۋعا سەكىرىپ، باتىپ كەتە جازداعان 2007 جىلى دۇنيەگە كەلگەن قىزعا العاشقى مەديسينالىق كومەك كورسەتتى. وزەن ساعاسىندا بالىق اۋلاپ وتىرعان جىگىتتىڭ ارقاسىندا قىز امان قالدى. وكىنىشكە قاراي، قىزدى قۇتقارعان 1981 جىلى دۇنيەگە كەلگەن ازامات اعىسقا توتەپ بەرە الماي، سۋعا باتىپ كەتكەن ەدى.

ۇسىنعان: ماقپال سەمباي