پاريجدەگى "ماڭگىلىك پولك"  شەرۋىندە پوليسيا قىزمەتكەرى امەريكالىق جانە قىتايلىق ازاماتتى تۇتقىنعا الدى. باياندامادا كورسەتىلگەندەي، جانجال تۋدىرعان ەكى ازامات شەرۋ جولاعىنىڭ ەكى جاعىندا كورەرمەن بولىپ تۇرعان دەپ حابارلايدى Qamshy.kz اقپارات اگەنتتىگى.

"مەن چارلز ەليزيس بويىمەن ءجۇرىپ، شەرۋدى تولىق تاماشالادىم. "ماڭگىلىك پولك" جايلى ەستىگەنمىن جانە ونىڭ ەكىنشى دۇنيەجۇزىلىك سوعىسقا قاتىسقاندارعا ارنالعانىن بىلەتىنمىن. ءبىزدىڭ ەلدە بۇل جاعداي جاقسى كورىنىس تاپقان. ۇنسىزدىكپەن تاماشالاپ تۇرعانىمدا، جانىما بەيتانىس ادام كەلىپ، شەرۋدىڭ نە تۋرالى ەكەنىن سۇرادى. ازاماتتىق بورىشىم رەتىندە ەكى اۋىز سوزبەن ءتۇسىندىرىپ بەردىم. ول كەنەتتەن بۇل سوعىستا امەريكا مەن كانادانىڭ جەڭىسكە جەتكەنىن ايتتى. مەن سسرو-نىڭ جەڭىسكە جەتكەنىن تۇسىندىرگىم-اق كەلدى، ءبىراق امەريكالىق ازامات كەلىسپەدى. اشۋعا بۋلىعىپ ءوزىمنىڭ بوكس شەبەرلىگىمدى قولدانۋعا تۋرا كەلدى. بايقاۋسىزدا مۇرنىن سىندىرىپ، تىستەرىنە زاقىم كەلتىردىم"، - دەدى قحر ازاماتى. 

اۋرۋحانادا جاتقان امەريكالىق ازامات دەنساۋلىعىنىڭ ناشارلىعىنا بايلانىستى باسپاسوزگە تۇسىنىكتەمە بەرۋدەن باس تارتتى.  

قوعامدىق ءتارتىپتى بۇزعانداردىڭ سوت وتىرىسى 18-مامىردا وتەدى. جەكپە-جەكتىڭ قاتىسۋشىلارىنا اقشالاي ايىپپۇلدار جانە فرانسيادان دەپورتاسيالاۋمەن ءقاۋپى ءتونىپ تۇر.

ۇسىنعان: بەك بايتاس