دامۋ مەن وزگەرىس ەگىز ۇعىم ىسپەتتى. دامۋ وزگەرۋدىڭ الدىعا جىلجۋ، جەتىستىككە ۇمتىلۋ باعىتىنداعى قاعيداسى بولسا، وزگەرىستىڭ كەيىن كەتۋ، قۇلدىراۋ سەكىلدى ءتۇرى دە بولادى. ادام ءومىرىن دارياعا تەڭەسەك، دامۋعا، ءوز ءومىرىن وزگەرتۋگە ۇمتىلعان ادام اعىن سۋ سەكىلدى. ول جولىندا كەزدەسكەن كەدەرگىلەردى بۇزىپ-جارىپ وتەدى، ءوزىنىڭ كوزدەگەن مەجەسىنە جەتەدى. بارا-بارا ارناسىن كەڭەيتەدى. ال وزگەرىسسىز ادام تۇىرپ قالعان سۋ سياقتى. ول، الدىمەن، بۇزىلىپ، قوقىستاردى جيناي باستايدى جانە اعىنى بولماعاننان كەيىن ونىڭ كوزدەگەن مەجەسى دە بولمايدى. ارتىنشا ارتىنان كەلەتىن سۋ بولماعاندىقتان، جەرگە ءسىڭىپ جوعالادى.

ءىزدىڭ قوعام دامۋ جولىندا كەلە جاتقان، جارقىن بولاشاققا قول سوزعان قوعام ساناتىندا. دەمەك، ءبىزدىڭ ەلىمىزدە دامۋ بار، العا جىلجۋ بار. جاقسىلىقتاردى يگەرىپ، ەلىمىزدەگى بارلىق سالالاردا وڭ وزگەرىس ەنگىزۋ قولعا الىنىپ كەلەدى.

وزگەرىس پەن دامۋ قوعامعا نەمەسە ەلگە عانا قاتىستى ەمەس. وزگەرۋ مەن العا ۇمتىلۋ جەكە ادامدارعا دا قاتىستى ۇعىم. ادام وزگەرسە، قوعام وزگەرەدى.

Qamshy.kz اقپارات اگەنتتىگى ازاماتتارعا ءبىر پايداسىن تيگىزەر دەگەن ۇمىتپەن الەمدىك دەڭگەيدە ءتۇرلى سالا بويىنشا جەتىستىككە جەتكەن تۇلعالاردىڭ پىكىرلەرىن، اقىل-كەڭەستەرىن، اتاقتى بيزنەس ورتالىقتاردىڭ تەوريالىق تۇجىرىمدامالارىن نازارلارىڭىزعا ۇسىنىپ كەلەدى.

بۇگىن دە ءداستۇرلى ادەتىمىز بويىنشا ادام ءومىرىن وزگەرتۋدىڭ ماڭىزى تۋرالى جانە قانداي ادىستەرمەن ءوز ومىرىمىزگە جىلدام وزگەرىس ەنگىزۋگە بولاتىنى تۋرالى ماتەريال جازباقپىز. ءسىز ءومىرىڭىزدى قاي باعىتقا وزگەرتكىڭىز كەلەدى؟ ءوزىڭىزدىڭ بويىڭىزداعى قانداي قاسيەتتەردەن ارىلۋدى قالايسىز؟

ءسىزدىڭ تۇلعاڭىز وزگەرىسكە بەيىم 

ءسىزدىڭ ساناڭىز وزگەرىستەرگە ءاردايىم دايىن بولادى. ءبىراق ول ءسىزدىڭ ىس-ارەكەتىڭىزگە، ويلاۋ جۇيەڭىزگە تىكەلەي باعىنىشتى. سوندىقتان، ول ءسىزدىڭ تولىققاندى شەشىم قابىلداعان ۋاقىتىڭىزدى كۇتەدى.

وسى رەتتە پسيحولوگ ماماندار وزگەرۋگە شەشىم قابىلداۋ ءۇشىن ەكى ءتۇرلى پسيحولوگيالىق قاعيدانى ۇستانا ءبىلۋ ماڭىزدى ەكەنىن العا تارتادى. ول قانداي پسيحولوگيالىق قاعيدا؟

العاشقىسى – ءوز-وزىڭىزدى باسقارا ءبىلۋ جانە ءوزىڭىزدى سىرتقى كوزقاراستان تالقىلاي الۋ. ءيا، ارينە، ءسىز ءوزىڭىزدى وزگە بىرەۋدىڭ كوزقاراسى تۇرعىسىنان سىناي الاتىن قاسيەتتى بويىڭىزدا دارىتۋىڭىز كەرەك. تاڭ قالماڭىز. ويتكەنى، ادامدار بىرەۋدىڭ قاتەلەرىن كورىپ، ونىڭ دۇرىس جولىن نەمەسە تىعىرىقتان شىعار تۇسىن تاپ باسىپ ايتۋعا كەلگەندە الدىنا جان سالمايدى. ال وسى قاسيەتتى نەگە وز-وزىڭىزگە قولدانىپ، بارلىعىنىڭ وڭ شەشىمىن تابا بىلمەسكە؟

مىسالى، ءسىز الكاگول ونىمدەرىن تۇتىنساڭىز، ءوزىڭىزدى ىشكىلىككە قارسى ەمەس ادام رەتىندە قابىلدايسىز. ەرتە تۇرساڭىز، ۇيقىنى جەڭە بىلەتىن ادام رەتىندە، ماقالا، اڭگىمە، ەسسە جازساڭىز، اۆتور رەتىندە قابىلدايسىز. بارلىعى ءوز-وزىڭىزدى قالاي قابىلداۋعا بايلانىستى. ءوز ىس-ارەكەتىڭىزدى قالاي باعامداعانىڭىز ءسىزدىڭ تۇلعالىق وزگەرىسىڭىزدىڭ العىشارتتارىنىڭ بىرىنە اينالادى.

ەكىنشىسى – سىرتقى فاكتورلار ەسەبىندە بولىپ جاتقان جاي-كۇيدى قابىلداۋ دەڭگەيىڭىز. قورشاعان ورتانىڭ ىس-ارەكەتى مەن ءوزىڭىزدىڭ ىس-ارەكەتىڭىزدىڭ ىشكى تۇيسىگىڭىزگە قالاي اسەر ەتەتىنىن باعامداۋ ارقىلى ءسىز وزگەرىسكە ۇمتىلۋعا جول اشاسىز.

مىسالى، مۇز تولتىرىلعان ۆانناعا تۇسەر الدىندا ءسىز ودان قورقىپ، توڭاتىنىڭىزدى سەزىپ، ەموسياعا ەرىك بەرسەڭىز، تۇسكەن كەزدە قاتتى سالقىندى سەزىنەتىنىڭىز بەلگىلى. ال وعان بەيتاراپ قاراپ، ەموسيانى قۇرىقتاپ ۇستاساڭىز، سالقىندى سەزگەنمەن، ودان قاتتى زارداپ شەكپەيسىز.

اتالعان پسيحولوگيالىق قاعيدانىڭ نەگىزگى ماقساتى – سىرتقى فاكتورلار ارقىلى ءوز ساناڭىزدى الدا بولاتىن ىس-ارەكەتكە دايارلاۋ. بۇل ارەكەت ارقىلى كەز-كەلگەن جەردە ساناڭىزعا سەنىمدىلىك سەزىمىن ورناتۋعا بولادى. بۇل قانشالىقتى ماڭىزد؟ ويتكەنى، ءسىزدىڭ تۇلعالىق وزگەرىسىڭىز فيزيكالىق كۇشىڭىز ارقىلى ەمەس، تۇيسىك دەڭگەيىڭىز ارقىلى جۇزەگە اسادى.

ساتتىلىك ماسەلەسى 

ادامداردىڭ كوپشىلىگى، مەيلى ول جەتىستىككە جەتكەن ادام بولسىن، ەرتە مە، كەش پە، ايتەۋىر ءبىر كۇنى توياتتاۋ سەزىمىنە ەرىك بەرەدى.

ءاربىرىمىزدىڭ جان دۇنيەمىزگە جاقىن ءارى بولمىسىمىزبەن قالايتىن سۇيىكتى ءىسىمىز، ارناۋلى ورتامىز بولادى. ءبىز سول باعىت بويىنشا جەتىستىككە جەتۋگە ۇمتىلامىز، سول باعىتتا بار كۇش-جىگەرىمىزدى سالىپ، ەڭبەك ەتەمىز. ءوزىڭىز بايقايتىن بولارسىز، انشىلەر حالىق اراسىندا ۇلكەن تانىمالدىلىققا جەتكەن شاعىندا ولاردىڭ جاڭا تۋىندىلارى ءىشپىستىرارلىق دەڭگەيگە تۇسەدى. بۇل  ولاردىڭ توياتتاعان شاعى. اتالعان كەزەڭ الەمدىك دارەجەدە ويىپ تۇرىپ ورىن الاتىن ۇلكەن كورپوراسيا، كومپانيا جەتەكشىلەرىنىڭ دە تۇسىنان اينالىپ وتپەيدى. ال مەيرامحانا قوجايىنى ەسىگىنەن قوناق ۇزىلمەيتىن دارەجەگە جەتكەندە اس ءمازىرىن سيرەك وزگەرتە باستايدى. ويتكەنى، ول تۇسكەن تابىستان توياتتاپ قالدى. وسى كەزەڭدە دامۋ دەڭگەيى تومەندەيدى نەمەسە مۇلدە توقتاپ قالادى. بارلىعى ءسىزدىڭ پايداڭىزعا جۇمىس جاساپ تۇرعان شاقتا ودان ءارى دامۋدىڭ قاجەتسىزدىگى نەمەسە بارىنا قاناعات ەتۋ سەزىمى بيلەي باستايدى بويىڭىزدى.

قاراپ وتىرساق، ادام ءوز-وزىن ءبىر جەتىستىككە جەتۋدى قالاعان كەزدە نەمەسە بار نارسەسىنەن ايىرىلىپ قالۋدان قورىققان كەزدە جىگەرلەندىرەدى. ەگەر ءسىز ءوز جۇمىسىڭىزدا ىلگەرىلەپ، مانساپتىق جولدا كوتەرىلگىڭىز كەلسە، ءسىز بۇل باعىتتا ارەكەت ەتەسىز. باسشىلىقتىڭ وڭ كوزىنە ءتۇسىپ، جۇمىس ومىندىلىگىڭىزدىڭ جوعارى ەكەنىن دالەلدەۋگە تىرىساسىز. ال ەگەر جۇمىسىڭىز، مانساپتىق دارەجەڭىز ءسىزدى قاناعاتتاندىرسا، ءسىز جاعىمسىز جاعداي ورىن الماس ءۇشىن وزىڭىزگە بەرىلگەن تاپسىرمانى تىڭعىلىقتى ورىنداپ، قۇلدىراۋدان قاشقاقتاپ وتىراسىز.

ءسىز دامۋ جولىندا ارەكەت ەتىپ، جەتىستىككە جەتۋ جولىندا قيمىلداي باستاعان كەزدە، ۇلكەن تاۋەكەلدەرگە باس تىگەسىز جانە قورقىنىش سەزىمى ءسىزدى مۇلدە مازالامايدى. ويتكەنى، ءسىز ءوزىڭىزدىڭ جەتىستىككە جەتكەن كەزدەگى ءومىرىڭىزدى كوزىڭىزگە ەلەستەتىپ، سوعان جەتپەيىنشە تىنباۋعا وز-وزىڭىزبەن ۋاعدالاساسىز. ووسى كەزەڭدە ادام ءوزىن-وزى بارىنشا قامشىلاپ، توقتاماي ارەكەت ەتەدى. الدەكىم ونى العا قاراي يتەرىپ تۇرعان سەكىلدى سەزىم ونى بەي-جاي قالدىرمايتىن ەدى، ويتكەنى.

ال ساتسىزدىكتەرگە ۇرىنۋدان قاشقان ادامنىڭ جىگەرى ونى باسقا باعىتقا جەتەلەيدى. اتالعان تيپتەگى ازاماتتار بۇل كەزەڭدە ۇلكەن تاۋەكەلدەردى جاساۋعا قاۋقارسىز بولىپ كەلەدى جانە ونىڭ ساناسىنا ماراپاتتار مەن جەتىستىك كەزەڭى كورىنىس بەرمەيدى. ول تەك قانا ءوز جولىندا كەزدەسىپ اتقان ماسەلەلەرگە بوي الدىرماي ءوتىپ، تۋرا جولدا ءجۇرىپ وتىرۋدى كوزدەيدى. ونىڭ ءبىر كۇنى اداسپاسىنا كىم كەپىل؟

ادام ءبىرشاما جەتىستىككە جەتكەن كەزدە ونىڭ ومىرىندە ەشقانداي تالپىنىس بولمايدى جانە ول ەرىنشەكتىككە، قورقاقتىققا بوي الدىرادى. بۇل – دامۋ جولىنداعى ورىن العان كىشكەنە ۇزىلىستەردىڭ اسەرى.

جەتىستىككە جەتىپ، ءارى قاراي توقتاۋسىز ارەكەت ەتە باستاعان كەزىڭىزدە ءسىزدىڭ ساناڭىزدا "نە ءۇشىن جاساپ جاتىرمىن؟"، "نە ىستەپ وتىرمىن؟" دەگەن سياقتى سۇراقتار تۋىنداي باستايدى. سودان كەيىن تەك قانا ءوزىڭىزدىڭ تامشا جاعدايىڭىزدى قولداپ وتىرۋ ءۇشىن عانا تالپىنىس جاسايسىز. ويتكەنى، ءسىز كۇدىككە بوي الدىراسىز جانە تۇلعالىق بولمىسىڭىزدى جوعالتاسىز. وزىڭىزگە سۇراق قويىپ كورىڭىز. ءسىز نە ءۇشىن تىرىسىپ ءجۇرسىز: دامۋعا ما الدە بار نارسەڭىزدى جوعالتىپ الماۋ ءۇشىن بە؟ ءوزىڭىزدى تاماشا تۇلعا ەتۋگە تىرساسىز با الدە قولدا باردى جوعالتپاي، ءبىرقالىپتى ءومىر ءسۇرۋدى ءجون دەپ سانايسىز با؟

ءوزىڭىزدى قايتادان جاساقتاپ وتىرۋدان قاشپاڭىز 

Netflixء-تىڭ "شەفتەن" ("وت شەفا") اتتى دەرەكتى سەريالىندا الەمدەگى تانىمال باس اسپازدار تۋرالى ايتىلادى. سول جەردە وسى تاقىرىپقا تۋرا كەلەتىن ءبىر تاماشا ەپيزود بار. گاگگان ازياداعى ماڭدايالدى باس اسپازعا اينالعاننان كەيىن ول ءوزىنىڭ بارشىلىق جاعدايىندا ءومىر سۇرە بەرۋىنە بولاتىن ەدى. گاگگان اناند قولدانىستا تۇرعان اس ءمازىرىن تولىعىمەن الىپ تاستاپ، باسقا ءاسمازىرىن جاسايتىن ادەتىمەن تانىمال. ول وسىلايشا ءوزىن جانە كاسىبىن سىناقتان وتكىزىپ وتىرادى. كەزەكتى اس ءمازىرى قوناقتارعا بارىنشا ۇناپ، ويلاعاننان جوعارى تابىس ءتۇسىرىپ جاتسا دا باس اسپاز ونى الىپ تاستاۋدان قورىقپايدى.

بۇل ۇساق-تۇيەككە بوي الدىرۋ سياقتى بولىپ كورىنەدى. ءبىراق مۇلدە ولاي ەمەس. ول بارلىعىن باسىنان باستاۋ ارقىلى قورقىنىشتىڭ اينالاسىنان شىعىپ وتىرادى. ءاربىرپ اس ءمازىرىن قايتا ازىرلەگەن سايىن ول جاڭا ويلارىنىڭ ارقاسىندا ونى بۇرىنعىدان دا جاقسى ەتىپ شىعارادى. وسىلايشا ول قولدا باردى ۇستاپ قالۋدى ەمەس، ءاردايىم دامۋ ۇستىندە بولۋدى ماقسات تۇتقان.

مەيرامحانالار تانىمالدىلىققا قول جەتكىزىپ، ەسىگىنەن قوناق ۇزىلمەيتىن دارەجەگە جەتكەننەن كەيىن سەرۆيستىك جاعدايدى دا، اس ءمازىرىن دە وزگەرتۋدەن قالادى. ويتكەنى، ولار باعانا جوعارىدا ايتقانىمىزداي، توياتتايدى. ال توياتتاعان باسشىلىقتىڭ دامۋدى توقتاتاتىنى ايتپاسا دا تۇسىنىكتى.

مىسالى، جەتىستىككە جەتسە دە دامۋىن توقتاپايتىن مەيرامحانالار وزدەرىنىڭ سەرۆيستىك جاعدايىن، زالداعى ۇستەلدەردىڭ ورنالاسۋ قالپىن، اس ءمازىرىن تولىققاندى وزگەرتىپ وتىرادى. وزگەرىس كەلگەن قوناقتارعا تاماشا كوڭىل-كۇي سىيلايدى.

گاگگاننىڭ تاجىريبەسى بارلىعىنا ۇلگى بولسا، وندا باسەكەلەستىكتىڭ دەڭگەيى بۇگىنگىدەن ءالدقايدا جوعارى بولار ەدى. گاگگان اس مازىرىنەن بولەك ءوزىن-وزى ءاردايىم جاڭا باعىتتا سىناپ كورۋدەن قاشپاعان ەكەن. ول سونىسىمەن تانىمالدىلىققا دا، ماتەريالدىق جاعدايىنىڭ مولايۋىنا دا قول جەتكىزدى.

ناعىز ەڭبەكقور ادام جاڭا شەكارالاردى بۇزۋدان شارشامايدى. جانە ول ۋاعىندا مەجەلەگەن تۇسقا جەتپەيىنشە توقتامايدى. جاڭا بەلەسكە شىققاننان كەيىن جاڭا ماقساتتار تۋىنداپ، ولاردى جۇزەگە اسىرۋدا ادام ءوز-وزىن جىگەرلەندىرە ءبىلۋى ءتيىس. ەگەر ءسىز ءبىر باعىتتا اۋىز تولتىرىپ ايتارلىقتاي جەتىستىككە جەتسەڭىز، ەكىنشى ءبىر دۇنيەنى ۇيرەنۋگە كىرىسىڭىز. ادام ءبىر عانا نارسەنى ۇيرەنۋگە جانە سونىمەن توقتاپ قالۋعا مىندەتتى ەمەس. ادام تۋىلعاندا ول بىرنەشە باعىتتا جۇمىس جاساۋعا قابىلەتتى بولىپ تۋىلادى. ءارتۇرلى باعىتتا ءوز-وزىڭىزدى سىناپ كورۋگە تىرىسىڭىز. بۇل جاعدايدا ءسىز توياتتاپ قالۋ قاۋپىنە بوي الدىرمايسىز. سونىمەن قاتار، ءاردايىم تۇلعالىق بولمىسىڭىزدى دامىتا تۇسەسىز.

30 كۇندىك چەللەندج 

ءسىز ءوزىڭىزدى وزگەرتۋدى قالاساڭىز، وسى ارەكەتتى 30 كۇن ىشىندە ىسكە اسىرۋعا تىرىسىپ كورىڭىز. بۇل ءتاسىل الەمدىك دەڭگەيدە دالەلدەنىپ، ءوز ناتيجەسىن بەرەتىن ءادىس رەتىندە تانىمال بولعان.

ويلانىپ كورىڭىز: ءبىرازدان بەرى قانداي ءىستى جۇزەگە اسىرۋدى ماقسات ەتىپ ءجۇرسىز؟ ەگەر ونداي دۇنيە بولسا، بۇل ءادىس سىزگە مىندەتتى تۇردە كومەكتەسۋ كەرەك.

ءوزىڭىزدى قاتتى ۇستاپ، 30 كۇن بويى ويعا العان ىسىڭىزبەن اينالىسىڭىز. مىسالى، ارتىق سالماقتان ارىلعىڭىز كەلسە، 30 كۇن بويى جاتتىعۋلار جاساڭىز. وسىلايشا ءسىز ءوز ءومىرىڭىزدى وزگەرتە الاسىز.

ال جازۋدى ادەتكە اينالدىرعىڭىز كەلسە، ءبىر اي بويى قولىڭىزعا قالام الىپ، تالپىنىس جاساي بەرىڭىز. ءبىر ايدان كەيىن جاساعان ارەكەتتەرىڭىزدى سارالاساڭىز، وزگەرىستى بايقايسىز. وسىدان كەيىن توقتاپ قالماي، باسقا ءبىر باعىتتى يگەرۋدى باستاعان ءجون. ءبىر اي ارالىعىندا ءسىزدىڭ ماقساتقا جەتۋىڭىزگە كەدەرگى بولاتىن قورقىنىش سەزىمى باسىلادى.

وسىنداي دالەلدەنگەن تاسىلدەردى قولدانا بىلسەڭىز دامۋ جولىندا ۇلكەن سەكىرىس جاسايسىز. ال بۇل ارالىقتا باسقالار كىشكەنە قادامدارىنا توياتتاپ وتىرۋى مۇمكىن.

ءومىرىڭىزدى وزگەرتىڭىز! بولاشاعىڭىز مەن تۇلعالىق بولمىسىڭىزدى دامىتىڭىز! جەتىستىككە جەتىڭىز! ەشكىم كەدەرگى كەلتىرمەيدى!