جانكۇيەرلەرىنە سالەم جولداپ ءجۇرىپ، مۇز ۇستىندەگى قىزىل كىلەمگە قۇلاعانىنا قاراماستان، ۆلاديمير ءپۋتيننىڭ كومانداسى تەكەتىرەستە جەڭىسكە جەتكەن دەپ حابارلايدى Qamshy.kz اقپارات اگەنتتىگى.

"حوككەي اڭىزدارى" بۇل ماچتا "نحل قۇراماسىنا" قارسى ويناپ، 14:7 ەسەبىمەن جەڭىسكە جەتتى. وزىنە 11-نومەردى تاڭداعان رەسەي فەدەراسياسىنىڭ پرەزيدەنتى قارسىلاس كوماندانىڭ قاقپاسىنا توعىز شايبا سوققان.

پرەزيدەنتپەن بىرگە اتالمىش ماچقا قورعانىس ءمينسيترى سەرگەي شويگۋ، بەلگىلى حوككەيشىلەر ۆياچەسلاۆ فەتيسوۆ، پاۆەل بۋرە، الەكسەي كاساتونوۆ، ۆيكتور شاليموۆ قاتىسقان.

سوچي قالاسىنداعى "بولشوي" مۇز ايدىنىندا وتكەن كەزدەسۋدە ۆلاديمير پۋتين تۇنگى حوككەي ليگاسىنىڭ (نحل) 8-ماۋسىمىنىڭ اياقتالۋىمەن قۇتتىقتاپ، سپورتشىلارعا سەرتيفيكاتتار تابىستادى.

سونداي-اق، اتالمىش ليگانىڭ "اۋەسقويلار 40+" ديۆيزيونىندا جەڭىسكە جەتكەن "سكون-ۋرال" كومانداسى پرەزيدەنت قولىنان جابىق مۇز ايدىنىن تۇرعىزۋعا سەرتيفيكات الدى.

"ءقازىر تۇنگى حوككەي ليگاسىندا مىڭنان استام كوماندا ب ا ق سىناۋدا. فينالدىق باسەكەنىڭ وزىندە اتالمىش تۋرنير 162 كوماندانىڭ باسىن سوچيدە قوستى. بۇل – ۇلكەن باسەكەلەستىك. اۋەسقويلاردىڭ ءوزى وتە كەرەمەت وينايدى"، - دەدى مەملەكەت باسشىسى.

ماراپاتتاۋ راسىمىنە پۋتينمەن بىرگە بەلگىلى حوككەيشى، تۇنگى حوككەي ليگاسى ارداگەرلەرى كەڭەسىنىڭ پرەزيدەنتى الەكساندر ياكۋشيەۆ قاتىستى.

ۇسىنعان: ادىلەت مادەنيەت