كەزەكتەن تىس پرەزيدەنت سايلاۋىنىڭ جەتى كانديداتىنىڭ ءبىرى – سادىبەك تۇگەل اتالمىش ناۋقاندى تۇنگى كلۋبتان باستاۋدى ءجون ساناپتى دەپ حابارلايدى Qamshy.kz اقپارات اگەنتتىگى.

ۇلتتىڭ بولاشاعى جاستاردىڭ قولىندا ەكەنىن، جاستاردىڭ ساناسىنىڭ ازات ءارى ساۋ بولۋىن ۇران ەتىپ جۇرگەن ۇمىتكەر تۇنگى كلۋبتارعا ارنايى بارىپ، جاستارعا اقىلىن ايتقان.

ونىڭ ايتۋىنشا، ەل بولاشاعى جارقىن بولۋى ءۇشىن جاستاردىڭ مۇنداي ورىنداردا جۇرگەنى استە دۇرىس ەمەس. ولاردىڭ ءتارتىبىن تۇزەۋ ءۇشىن تۇنگى كلۋبتاردى ءبىرجولا جابۋ قاجەت.

"ءبىز – تازا ۇلتپىز. ءبىزدىڭ جاستار ىشىمدىكتى قىمىزعا اۋىستىرىپ، قىزدارىمىز ەتەگىن ۇزارتۋى ءتيىس"، - دەيدى سادىبەك تۇگەل.

تۇنگى كلۋبقا ارنايى كەلگەن ۇمىتكەر جاستاردىڭ بۇل ءجۇرىسىنىڭ قازاقستاندىق قوعامعا كەرى اسەر ەتەتىنىن ايتتى.

اۋدارعان: ادىلەت مادەنيەت