نۇر-سۇلتان قالاسىندا پلاكات ۇستاپ تۇرعان كەيىپ تانىتىپ، الەۋمەتتىك جەلىگە جازبا جاريالاعان بەلسەندى جانبوتا ءالجانوۆانى پوليسيا قىزمەتكەرلەرى قاماۋعا العان. بۇل تۋرالى بەلسەندىنىڭ ءوزى الەۋمەتتىك جەلىدەگى پاراقشاسىندا جاريا ەتتى دەپ جازادى Qamshy.kz اقپارات اگەنتتىگى.

6-مامىر كۇنى ءالجانوۆا ءوزىنىڭ سۋرەتىن جەلىگە جۇكتەپ، استىنا "قالاي ويلايسىزدار؟ قامايدى ما؟ مەنىڭشە، ارانداتۋشىلىق جاساپ وتىرعان جوقپىن" دەپ جازعان.

بەلسەندىنىڭ سۇراعىنا قۇقىق قورعاۋ ورگانىنىڭ قىزمەتكەرلەرى ونى ورالدا تۇتقىنداپ جاۋاپ بەردى. قاماۋعا الۋعا سەبەپ – ونىڭ ەشبىر جازۋى دا، ءوزى دە جوق پلاكاتتى ۇستاپ تۇرۋى.

پوليسيا قىزمەتكەرلەرى ونى تۇتقىنداۋ بارىسىندا كۇش قولدانىپ، كولىككە قيناپ كىرگىزگەن. سودان كەيىن تەرگەۋ-تەكسەرۋ امالدارىن جۇرگىزىپ، ونىڭ ازاماتتىق پوزيسياسى مەن الەۋمەتتىك جەلىنى قولدانۋداعى ماقساتىن سۇراعان.

اۋدارعان: ادىلەت مادەنيەت