الماتى - بىشكەك تاسجولىندا بولعان جول اپاتىنان توعىز ادام قازا تاپتى، - دەپ حابارلايدى Qamshy.kz اقپارات اگەنتتىگى الماتى وبلىستىق پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

جول-كولىك وقيعاسى كەشە، 12 مامىردا تاڭعى ۋاقىتتا تاسجولدىڭ 109-شاقىرىمىندا بولعان. Lada مەن Toyota Camry كولىكتەرى سوقتىعىسقان. پوليسياداعىلاردىڭ مالىمەتىنشە، قازا تاپقان توعىز ادامنىڭ ۇشەۋى - ايەل ادامدار.

"قازا تاپقانداردىڭ ءاتى-جونى انىقتالدى. ولار – الماتى، شىمكەنت، تۇركىستان جانە الماتى وبلىستارىنىڭ تۇرعىندارى قازا تاپتى. الدىن الا نۇسقا بويىنشا، Lada جۇرگىزۋشىسى كولىك تىزگىنىنە يە بولا الماي، قارسى جولاققا شىعىپ كەتىپ، Toyota Camry كولىگىمەن سوقتىعىسقان. جول اپاتى دەرەگى بويىنشا قاجەتتى ساراپتامالار تاعايىندالىپ، ق ر قىلمىستىق كودەكسىنىڭ 345-بابىنىڭ 4-بولىگى بويىنشا سوتقا دەيىنگى تەرگەۋ باستالدى"، - دەپ حابارلادى الماتى وبلىستىق پوليسيا دەپارتامەنتىنىڭ باسپا ءسوز قىزمەتىندەگىلەر.

ۆەدومستۆو وكىلدەرى جول اپاتىنا قاتىستى تەرگەۋدىڭ باقىلاۋدا ەكەنىن جانە وبلىستىق پوليسيا وكىلدەرىنىڭ دەرەكتى وندىرىسكە العانىن ايتتى.

ۇسىنعان: ماقپال سەمباي