سايلاۋ كەزىندە كەيدە كۇتپەگەن جاعدايلار بولىپ جاتادى. ونىڭ بىرىنە ءمان بەرىپ، بىرىنە نازار سالماۋىمىز مۇمكىن. ءتىپتى سىنعا الاتىن ساتتەرىمىز دە جوق ەمەس. سايلاۋ كەزىندە ءاربىر ۇمىتكەردىڭ ىس-ارەكەتى سايلاۋشىلاردىڭ نازارىندا. ەستىمەگەن ەلدە كوپ بولسا دا Qamshy.kz اقپارات اگەنتتىگى interesno.org.ua سايتىنا سىلتەمە جاساي وتىرىپ، نازارلارىڭىزعا سايلاۋدا بولعان ەڭ قىزىقتى جاعدايلاردى ۇسىنادى.
- 1984 جىلى امەريكادا پرەزيدەنت سايلاۋى كەزىندە رونالد رەيگان اقش-تىڭ 50 شتاتى بويىنشا 49 شتاتتان داۋىس جيناپ، جەڭىسكە جەتكەن. ول تەك ءبىر شتاتتىڭ 4 000 داۋىسىن جيناي المادى.
- بۋتاننىڭ سوڭعى كورولى ءوز حالقىنىڭ اراسىندا بەدەلگە يە بولعانى سونشالىق، 2011 جىلى ەلدە جاڭا دەموكراتيالىق قۇرىلىم جاساۋدى ۇسىنعان كەزدە، مەملەكەت تۇرعىندارى ۇسىنىسقا قارسى جاپپاي نارازىلىققا شىققان.
- سولتۇستىك كورەيادا پرەزيدەنت سايلاۋى ءاربىر 5 جىل سايىن وتكىزىلەدى، ءبىراق بيۋللەتەندە ءبىر عانا ۇمىتكەر بار.
- 1996 جىلى «نيۋ-يورك تايمس» گازەتىندە ەلدە بولىپ جاتقان پرەزيدەنت سايلاۋىندا كىم جەڭىسكە جەتەتىنى جاسىرىلعان كروسسۆورد جاريالانادى. سونىمەن قاتار، ءارىپ سانى مەن باس ءارىپ ءاربىر ەكى نەگىزگى ۇمىتكەردىڭ اتتارىنا سايكەس كەلگەن.
- برازيليالىق كوميك تيريريكا سايلاۋ الدى جارىستا: «فەدەرالدى كونگرەسسمەن نە ىستەۋ كەرەك؟ ونىڭ جاۋابىن مەن بىلمەيمىن. ءبىراق وسى سايلاۋدا ماعان داۋىس بەرەتىن بولساڭىزدار، جاۋابىن ايتۋىم «مۇمكىن». ودان ەشكىمگە زيان كەلمەيدى»، - دەگەن ەكەن. ول سايلاۋ قورىتىندىسى بويىنشا برازيليا تاريحىنداعى ەكىنشى كونگرەسسمەن بولعان. وعان 2010 جىلى 1 348 295 ادام داۋىس بەردى.
- اقش-تىڭ 6-شى پرەزيدەنتى دجون كۋينسي ادامس، سايلاۋشىلاردىڭ جەتكىلىكتى داۋىسىن جيناي الماسا دا جەڭىسكە جەتكەن. ويتكەنى اقش-تىڭ زاڭى بويىنشا پرەزيدەنتتى قاراپايىم سايلاۋشىلار ەمەس، ارنايى وكىلدەر پالاتاسى تاڭدايدى. ال ادامستىڭ ول جەردە دوستارى كوپ بولعان.
- ساددام حۋسەين 2002 جىلى ءوزىنىڭ پرەزيدەنتتىك كامپانياسىنا ۋيتني حيۋستوننىڭ «I Will Always Love You» ءانىن قولدانعان.
- اۆستراليادا سايلاۋعا قاتىسۋ مىندەتتى. ەگەر بەلگىلى ءبىر سەبەبى بولماسا، 18 جاستان اسقان ازاماتتار سايلاۋعا قاتىسپاسا ايىپپۇل سالىنادى.
- ليبەريا پرەزيدەنتى چارلز كينگ 1927 جىلى 234 000 داۋىس جيناپ جەڭىسكە جەتەدى. بۇل جەردە ءبىر شيكىلىك بار ەدى. ويتكەنى سول ساتتە تىركەلگەن سايلاۋشىلاردىڭ سانى 15 000 بولاتىن. سول سەبەپتى ول گيننەستەر رەكوردى كىتابىنا تاريحتاعى ەڭ جالعان سايلاۋ بولىپ ەندى.
- 2010 جىلى يسلاندياداعى ساياسي-ساتيرالىق پارتيا رەيكياۆيكە، سايلاۋ الدىنداعى بەرگەن ۋادەلەرىنىڭ ەشبىرىن دە ورىندامايتىنىن اشىق جاريالاعان. ءبىراق سايلاۋشىلاردىڭ 34،7%-ى ءدال وسى پارتيانى تاڭداعان.
- جاڭا زەلانديانىڭ ايەلدەرى 1893 جىلى سايلاۋ قۇقىعىنا يە بولعان. سونىمەن قاتار، جاڭا زەلانديا ايەلدەرگە سايلاۋ تەڭدىگىن بەرگەن العاشقى مەملەكەت.
- يەگوۆا كۋاگەرلەرى ەشبىر سايلاۋعا قاتىسپايدى.
دايىنداعان: مارجان سابەت
