بۇگىنگى كۇنى الەم بويىنشا 1 ملرد 6 ميلليوننان استام ادام مۇسىلمان ءدىنىن ۇستانادى. الەۋمەتتانۋ عالىمدارى بۇل كورسەتكىش 10-15 جىلدان كەيىن  2 ميللياردقا دەيىن وسەتىنىن ايتادى دەپ جازادى Qamshy.kz اقپارات اگەنتتىگى.

— جەر شارىنداعى مۇسىلمانداردىڭ تەك 20% -ى تاياۋ شىعىس پەن سولتۇستىك افريكادا تۇرادى. يسلامدى ۋاعىزداۋشىلاردىڭ باسىم كوپشىلىگى ازيا-تىنىق مۇحيت ايماعىندا، اتاپ ايتقاندا يندونەزيادا ورنالاسقان.

— بارلىق مۇسىلمانداردىڭ تەك 15% عانا – ارابتار.  

— ەۋروپالىق ەلدەر اراسىندا مۇسىلماندار ەڭ كوپ شوعىرلانعان ەل – البانيا. حالقىنىڭ 70% – مۇسىلماندار.  البانيا حريستياندىق گرەسيا،  يۋگوسلاۆيا ەلدەرىمەن شەكتەسەدى.

— يسلام ءدىنىنىڭ سيمۆولى – جۇلدىز بەن جارتى اي. پايعامبارىمىز مۇحاممەدتىڭ ءومىرى كەزىندە جاڭا پايدا بولعان يسلام دىنىندە سيمۆوليزم بولماعان. بۇل سيمۆول ەڭ العاش ورتا عاسىردىڭ ەڭ قۋاتتى مەملەكەتتەرىنىڭ ءبىرى وسمان يمپەرياسى تۇسىندا پايدا بولىپ، اراب ەلدەرىنىڭ تۋلارىندا بەينەلەنگەن.

مۇسىلمان دىنىنە قاتىستى تاريحي وقيعالار:

— ەكىنشى دۇنيەجۇزىلىك سوعىس كەزىندە گيتلەر اسكەرلەردىڭ ەڭ الدىڭعى شەبىنە تەك مۇسىلمانداردان تۇراتىن بولىمدەردى ورنالاستىرعان. سول مۇسىلماندار «ەركىن ءۇندىستان» اتتى لەگيون قۇرادى. ونىڭ قۇرامىندا فاشيستەردىڭ قولىنا تۇسكەن بانگلادەش پەن پاكىستاننىڭ مۇسىلماندارى كىرگەن.

— دجون پول II  ريم پاپاسى بولعان ۋاقىتتا حريستيان مەن يسلام ەلدەرىن بارىنشا جاقىنداستىرۋعا تىرىسقان. ول 2001 جىلى داماسكىگە (سيريا استاناسى) كەلگەندە مەشىتكە كىرىپ، دۇعا ەتكەن ەڭ ءبىرىنشى پاپا بولدى. نامازدىڭ سوڭىندا دجون پول II قۇراندى قولىنا الىپ، ءسۇيدى. ونىڭ بۇل ارەكەتى قوعامدا ءبىراز شۋ تۋعىزدى.

— قۇراننىڭ كەيبىر سۇرەلەرى تۇسىنىكسىز اراب بەلگىلەرىنەن باستالادى.  ءدىنتانۋشىلار، عالىمدار ول بەلگىلەردى اۋدارۋعا تىرىسقان، ءبىراق بۇدان ەشقانداي ناتيجە جوق. سوڭىندا بارلىعى ونى قۇدايدىڭ قۇپيا، قاسيەتتى، ەشقانداي سۇراۋسىز بەرىلگەن بەلگىلەر رەتىندە قابىلدادى.

— يراكتاعى مەشىتتەردىڭ بىرىندە ساددام حۋسەيننىڭ قانىمەن جازىلعان ەرەكشە قۇران ساقتاۋلى تۇر. كىتاپ 2000 جىلى جاريالانعان جانە  2 جىل بويى جاسالعان. جەرگىلىكتى ۇيىمدار بۇل كىتاپتى نە ىستەيتىندەرىن كەلىسە الماعان. سەبەبى ، بىرىنشىدەن، قاسيەتتى كىتاپتى قانمەن جازۋعا تىيىم سالىنعان. بۇل دىنگە قايشى ارەكەت. ەكىنشى جاعىنان، قۇران قاسيەتتى مارتەبەگە تەڭەستىرىلگەندىكتەن ونى جويىپ تاستاۋ مۇمكىن ەمەس.

 قازىرگى كۇنى دىندەر بىر-بىرىمەن تىعىز ارالاسىپ جاتادى جانە ادامداردىڭ دۇنيەتانىمدىق كوزقاراسى شەڭبەرىندە بىر-بىرىمەن تىعىز بايلانىستى.  دەگەنمەن، ءدىننىڭ ءالى كۇنگە ماڭىزى جوعارى.

— ابۋ-دابي مەن باحرەيندە وتەتىن فورمۋلا -1 جارىسىنىڭ جەڭىمپازى ءداستۇر بويىنشا شامپان اتىپ، كوبىگىن جۇرتقا شاشادى. الايدا كوبىكتى جاڭبىر ءۇشىن الكوگولسىز سۋسىندار قولدانۋى كەرەك.

— اڭىزعا اينالعان بوكسشى مۇحاممەد الي گولليۆۋدتا تانىمال جۇلدىزدى داڭققا يە بولعاندا، ءوز ەسىمى جازىلعان جۇلدىزدى تروتۋارعا سالۋدان باس تارتقان. ناتيجەسىندە ونىڭ ەسىمى دولبي تەاترىنىڭ قابىرعاسىندا ورناتىلدى. بوكسشى پايعامبارىمىزدىڭ ەسىمى جەردە تاپتالعانىن قالاماعان.

— بارسەلونا فۋتبول كلۋبى 2010 جىلى كاتار ەلىنىڭ Qatar Foundation كومپانياسىمەن كەلىسىمشارقا وتىراردا، ينۆەستور فۋتبولشىلاردىڭ ەمبلەماسىن وزگەرتۋىن تالاپ ەتكەن. ناتيجەسىندە  كوماندالىق لوگوتيپتەگى كرەستىڭ سۋرەتى كولدەنەڭ سىزىقپەن الماستىرىلعان.