الماتى قالاسىندا ءوز ارىپتەسىن ولتىرگەن پوليسەي سوتتا سوڭعى ءسوزىن ايتتى دەپ جازادى Qamshy.kz اقپارات اگەنتتىگى ktk.kz سايتىنىڭ دەرەگىن نەگىزگە الىپ. ازامات بارىستەموۆ ارىپتەسىنىڭ تۋىستارىنان ءومىر بويى كەشىرىم سۇراپ وتەتىنىن جەتكىزدى. سونىمەن قاتار، ازامات ءوزىنىڭ ارىپتەسىن ولتىرەمىن دەگەن وي مۇلدەم بولماعانىن ايتتى. 

"تامىزدىڭ سوڭعى كۇندەرى ەدى. اكەمە ەسكەرتكىش قويۋ كەرەك بولدى. قىركۇيەك ايى تەرگەۋ جۇمىستارى مەن ەڭبەك دەمالىسىنىڭ اياقتالاتىن كەزى بولاتىن. 25 قىركۇيەكتە اكەمە جالا جابىلىپ، العاشقى سوت وتىرىسى ءوتتى. سونداي-اق تەرگەۋ جۇمىستارى باستالدى. 26 قىركۇيەكتە مەنىڭ ەڭبەك دەمالىسىم اياقتالىپ، جۇمىسقا شىقتىم. مەن سول كۇنى نەنى ويلادىم دەسەڭىزشى، سوت مىرزا؟! مەنىڭ ومىرلىك جوسپارلارىم مەن ماقساتتارىم مۇلدەم باسقاشا بولاتىن. الايدا مەن قاساقانا ءولتىرۋ تۋرالى ءسوز قوزعاپ تۇرعانىم جوق. مەنىڭ جاقسى كورەتىن ايەلىم، ۇلىم، انام مەن تۋىستارىم بار. سونداي-اق اكەمە دەگەن ماقتانىش سەزىم بار. ەگەر مەندە قايتىس بولعان ارىپتەسىمدىكىندەي بەدەل بولاتىن بولسا، ونىڭ سول كۇنگى ارەكەتىن قايتالاماس ەدىم"، - دەدى ازامات بارىستەموۆ. 

ول ءوز كىناسىن تولىق مويىندادى.  اتالعان ءىس بويىنشا سوت شەشىمى بۇگىن شىعادى. مارقۇم ءسابيت بەگلان ۇلىنىڭ تۋىستارى ونى بارىنشا ۇزاق مەرزىمگە قاماۋدى سۇرادى. 

ەستەرىڭىزگە سالا كەتسەك، 26 قىركۇيەكتە الماتىلىق پوليسەي ارىپتەسىنە وق اتقان ەدى. بەرىستەموۆ سول كۇنى كەزەكشىلىككە ءتۇسىپ، كۇيەۋ بالاسىن كورىپ قالىپ، ونىمەن سويلەسپەك بولادى. ونى ادام جوق جەرگە بارىپ، قارۋدى باسىنا تاقاپ قورقىتادى. ارىپتەسى تومەن ەڭكەيگەندە، "ول دا قارۋدى تاقايمىن" دەپ اتىپ الادى. ارىپتەسى اۋرۋحاناعا جەتكىزىلىپ، كەيىن جانساقتاۋ بولىمىندە قازا بولدى. كەيىننەن ازاماتتىڭ مۇنداي قادامعا بارۋىنا قارىنداسى سەبەپ بولعانى انىقتالدى. قايتىس بولعان ءسابيت بەگلان ۇلى ازاماتتىڭ قارىنداسىنا ۇيلەنگەن. ازاماتتىڭ قارىنداسى كۇيەۋىنىڭ بىرنەشە ايدان بەرى ۇيگە قونبايتىنىن ايتىپ، اعاسىنا ارىزدانعان. كەيىن ازامات ءوزىنىڭ كۇيەۋ بالاسىمەن جەكە سويلەسپەك بولادى.

اۋدارعان: اسەل بولات قىزى