ءانشى السۋدىڭ YouTube ارناسىندا ميكەللا ابراموۆا مەن ەرجان ماكسيمنىڭ داۋىس جازۋ ستۋدياسىندا ماحاببات تۋرالى ءان ايتىپ تۇرعان ۆيدەوسى شىقتى دەپ جازادى Qamshy.kz اقپارات اگەنتتىگى ەكسپرەسس گازەتا باسىلىمىنا سىلتەمە جاساپ.
ءساۋىر ايىندا رەسەيلىك "گولوس. دەتي" باعدارلاماسىن 56 % پايىز داۋىسپەن السۋدىڭ قىزى - 11 جاستاعى ميكەللا ابراموۆا جەڭىپ العانى بەلگىلى. ال سايىستىڭ باستى ءفاۆوريتى ەرجان ماكسيم 27% پايىز داۋىس جيناعانىنان جۇرتشىلىق حاباردار.
بايقاۋدىڭ داۋىس ناتيجەسىنىڭ سوڭى ۇلكەن داۋعا اكەلدى. كوپتەگەن كورەرمەندەر مەن رەسەيدىڭ تانىمال ونەر جۇلدىزدارى ميكەللا اۆراموۆانىڭ جەڭىسىن ادىلەتسىز دەپ ەسەپتەگەن.
ەرجان ماكسيمنىڭ ايتۋىنشا، سايىس ادىلەتتى ءوتتى. جاس ءانشىنىڭ ەكىنشى ورىن الۋىنىڭ ءوزى ۇلكەن جەڭىس. ءبىر اپتا بۇرىن ەرجاندى بريتاندىق X-Factor بايقاۋىنا شاقىردى، سونداي-اق جاقىندا يگور كرۋتوي ەرجاندى ءوز اكادەمياسىنا وقۋعا قابىلداۋعا كەلىسىمىن بەردى.
ءقازىر بەلگىلى بولعانىنداي، ۇلكەن داۋدان كەيىن ەرجان ماكسيم مەن ميكەللا ابراموۆا ورتاق شىعارماشىلىق ىسپەن اينالىسۋدا. ءانشى السۋدىڭ YouTube ارناسىندا ميكەللا ابراموۆا مەن ەرجان ماكسيم داۋىس جازۋ ستۋدياسىندا بىرگە ماحاببات تۋرالى ءان ايتىپ تۇرعان ۆيدەوسى پايدا بولدى. ال ۆيدەو قاشان تۇسىرىلگەنى تۋرالى اقپارات جوق.
اۋدارعان: يلدار اديلچەنوۆ
