تۇركىستان قالاسىندا بوي تۇزەيتىن عيماراتتاردىڭ بارلىعى شىعىستىق ۇلگىدە سالىناتىن بولادى، دەپ حابارلايدى Qamshy.kz اقپارات اگەنتتىگى تۇركىستان وبلىستىق وڭىرلىك كوممۋنيكاسيالار قىزمەتىنىڭ اقپاراتىنا سۇيەنىپ. 

كەسەنەنىڭ ماڭايى اباتتاندىرىلىپ، كوركەيتۋ جۇمىستارى قولعا الىندى.  ءقازىر كەسەنەنىڭ جانىندا جاياۋ جۇرگىنشىلەر اللەياسىنىڭ قۇرىلىسى باستالدى. تۇڭعىش پرەزيدەنت ەسىمىمەن اتالاتىن داڭعىل، ياعني جاياۋ جۇرگىنشىلەر اللەياسىنىڭ قۇرىلىسى – وسى ءوڭىردىڭ تاريحي قۇندىلىقتارى ەسكەرىلە وتىرىپ، شىعىستىق ۇلگىدە جۇرگىزىلەتىن بولادى.

جالپى كولەمى – 12.9 گەكتار اۋماقتى قۇرايتىن الاڭ تولىعىمەن رەكونسترۋكسيادان وتەدى. ونىڭ ىشىندە جاياۋ جۇرگىنشىلەرگە ارنالعان اللەيا، ۆەلوسيپەدشىلەر مەن ەلەكترلى ماشينالارعا ارنالعان جولدار، قارقىندى كوگالداندىرۋ، سۋبۇرقاقتار كەشەنى، اۋىزسۋ بۇرقاقتارى جاسالاتىن بولادى. قازىرگى تاڭدا بۇل اۋماقتىڭ قۇرىلىسىن «ۆAZIS-A» كومپانياسى جۇرگىزىپ جاتىر.

ۇسىنعان: مارجان سابەت