ەلىمىزدە كەزەكتەن تىس پرەزيدەنت سايلاۋى باستالعالى بەرى ءسوزىن ەل تىڭدايتىن ازاماتتار بولجام جاساپ، حالىقتى سايلاۋعا، داۋىس بەرۋ ۇردىسىنە سەلقوس قاراماۋعا شاقىرۋدا.. وسى رەتتە Qamshy.kz اقپارات اگەنتتىگى بەلگىلى قوعام بەلسەندىسى، كاسىپكەر مارعۇلان سەيسەمبايدىڭ الەۋمەتتىك جەلىدەگى پاراقشاسىنا جاريالاعان جازباسىن وقىرماندار نازارىنا ۇسىنعاندى ءجون كوردى.

"دوستار، كوپتەگەن ادامداردىڭ سۇراقتارىنا جاۋاپ بەرۋ ءۇشىن جانە كوپتەگەن بوس ءسوز بەن وتىرىكتەن تازالاۋ ءۇشىن مەن مىنا سايلاۋ ناۋقانى جونىندە كىشىگىرىم تالداۋ جاسادىم.

سونىمەن. بىزدە ءتورت جول بار:

1. داۋىستى توقايەۆقا بەرۋ.

وندا سىزدەر بارلىعى قالىپتاسقان كۇيدە قالا بەرگەندى تاڭدايسىڭدار. ويتكەنى توقايەۆ ءوزىن ەلباسىنىڭ ساياساتىن جالعاستىرۋشى رەتىندە كورەدى. توقايەۆ پەن قوسانوۆتان باسقا ۇمىتكەرلەر ءجاي قىدىرىپ جۇرگەن جاندار، سوندىقتان ولاردى مۇلدەم قاراستىرمايمىن.

2. داۋىستى قوسانوۆقا بەرۋ.

ول كىسى تۋرالى بيلىك پەن راديكالدى وپپوزيسيا ءار ءتۇرلى ءسوز ايتۋدا. بىرەۋلەر ونى اقوردانىكى دەيدى، بىرەۋلەر وپپوزيسيا دەيدى. ءسىزدىڭ بۇل جونىندە ءبىلۋ كەرەك نارسەڭىز، ول قوسانوۆتىڭ تۇلعاسى ەمەس، ول سىزدەردىڭ قالىپتاسقان جاعدايعا قارسى ەكەنىڭىزدى ءبىلدىرۋدىڭ زاڭدى جانە وركەنيەتتى جولى. سىزدەردىڭ ەلىمىزدەگى وزگەرىسكە دەگەن تالابىڭىزدىڭ ءبىلدىرۋ جولى. يا، بيلىك سىزدەردىڭ داۋىستارىڭىزدى "ۇرلاۋى" مۇمكىن. ءبىراق، ەگەر كوپ ادام قوسانوۆقا داۋىس بەرسە، exit pool ارقىلى قانشا داۋىس ۇرلانعانىن كورۋگە بولادى. جانە بيلىك ولارعا قانشاما ادام قارسى ەكەنىن كورىپ وزگەرىستەرگە جول اشۋى مۇمكىن. ءبىراق، ەستەرىڭىزدە بولسىن، بۇل تەك قانا مۇمكىندىك! مەنىڭ بولجاۋىم بويىنشا، بۇل جولدىڭ وزگەرىستەرگە اپارۋ مۇمكىندىگى - 33%. بۇل جول مەنىڭ ويىمشا، 67% ەشقانداي وزگەرىسكە اكەلمەيدى.

3. بايكوتتاۋ.

بۇل – ءۇشىنشى جول. ەگەر ءسىز سايلاۋعا قاتىسپاساڭىز وندا توقايەۆ 100% جەڭەدى. ول باسىم داۋىسپەن جەڭگەن سوڭ، ول ءوزىنىڭ جەڭىسىن بۇل xالىقتىڭ شىن تاڭداۋى دەپ ەسەپتەيدى دە، بيلىككە قارسى شىعىپ جۇرگەن ادامداردى ءجاي كىشكەنتاي عانا ءابليازوۆتىڭ توپتارى دەپ قۋداعالايدى. قانشا xالىقتىڭ وزگەرىسكە دەگەن تالاپتارى بار ەكەنىنە كوزى جەتپەيدى. بايكوتتاۋ ارقىلى سىزدەر ەشتەڭە دالەلدەي المايسىز. ەۋروپا قانشا باقىرسا دا، ءبىزدىڭ بيلىك وعان پىشتىرمايدى دا. بارلىعى بۇرىڭعى قالپىندا جۇرە بەرەدى. بايكوتتاۋ تەك قانا xالىقتىڭ باسىم بولىگى جاساعاندا عانا ءتيىمدى. ال xالىق ونداي اۋىزبىرشىلىك كورسەتپەسە، وندا ونىڭ وزگەرىستەرگە اكەلۋ مۇمكىندىگى 10-20% اسپايدى.

4. الاڭعا شىعۋ.

بۇل – ەڭ راديكالدى جول. ارينە بۇل جول وزگەرىسكە اكەلەدى، ءبىراق ول وزگەرىستەردىڭ قانداي بولاتىنىنا كىم كەپىل؟ بۇل اۋرۋدىڭ دەنەسىنە جاسالاتىن كۇردەلى وپەراسيامەن سالىستىرۋعا بولادى. ارتى نە بولاتىنىن ەشكىم بىلمەيدى. اۋرۋ مۇلدەم جازىلىپ ادام جاڭارىپ، جاسارىپ كەتۋى دە مۇمكىن، ءبىراق اۋرۋى جازىلماي ءولىپ تە كەتۋى مۇمكىن. ارينە، شەت ەلدە جۇرگەن كەيبiر قانداستارىمىزعا بۇل ەڭ قولايلى جول، ويتكەنى ولارعا بۇل ەلگە ورالۋدىڭ ءبىر-اق جولى. تاريxتا بارلىق ريەۆوليۋسيالار جاقسىلىققا اكەلگەن جوق. كوپتەگەن ريەۆوليۋسيالار وزدەرىنىڭ باسىندا قويعان ماقساتتارىنا جەتكەن جوق. بىزگە بۇل جول قانشالىقتى كەرەك ەكەنىن وزدەرىڭىز ويلانىڭىز.

دوستار، كورiپ وتىرسىز عوي، الدىمىزدا قيىن تاڭداۋ تۇر. مۇمكiندiگiمiز كوپ تە ەمەس. بiراق ءبارi بiر بiزدiڭ تاڭداۋىمىز بار. ەستەرiڭiزدە بولسىن، ەگەر سiز سانالى تۇردە ءوزiڭiز تاڭداۋ جاساماساڭىز، وندا سiز ءۇشiن باسقا بiرەۋ تاڭداۋ جاسايدى. كەيiن رەنجiمەڭiز.

P.S. سايلاۋدان كەيiن بiزدە قانشا تاڭداۋىمىز بولاتىنىن سiز قازiرگi تاڭداۋىڭىزبەن شەشەسiز.

P.P.S. مەن ەشبiر جولعا ۇگiتتەپ جاتقان جوقپىن. بۇل ءجاي تالداۋ".

دايىنداعان: ادىلەت مادەنيەت