قازاقستانداعى بالاباقشالاردىڭ بارلىعىن ۇلكەن تەكسەرۋدەن وتكىزۋ كەرەك! بالالار مەن جاسوسپىرىمدەر باراتىن ۇيىرمەلەرگە دە ليسەنزياسى بار مەكەمەلەرگە عانا رۇقسات بەرۋ كەرەك! بۇگىن ءدال وسى ەكى ماسەلەنىڭ توڭىرەگىندەگى ەكى ءجايت جۇرەكتى قاق ايىردى. بىرەۋى جاتتىعۋدا ءجۇرىپ اجال قۇشسا، بىرەۋى بالاباقشادا ءجۇرىپ، ەكىنشى قاباتتان ۇشتى... بىرەۋى كوز جۇمدى، بىرەۋى كومادا. ادامدار ايۋاننان دا بەتەر بوپ بارا جاتىر. نە كورىند،ءى وسى اقشانىڭ سوڭىنان جۇگىرگەندەرگە؟! قۇدايدان قورىقساڭدار ەتتى! ارزان قىزمەتكەر-تاربيەسىز تاربيەشى-پسيxيكاسى اۋىتقىعان تاربيەشى-تاسجۇرەك تاربيەشى-مەيىرىمسىز ايەل-تاسجۇرەك انا-ارزان قىزمەتكەر! 

"ءقازىر بالامىزدى قانداي بالاباقشاعا بەرەمىز نەمەسە مەملەكەتتىك بالاباقشاعا بەرە الامىز دا؟" دەپ ەمەس، تاربيەشىلەرى دۇرىس، سەنىمدى بالاباقشا ىزدەيتىن بولدىق. بارلىق اتا-انانىڭ ۋايىمى سول. ايىنا 100-150 مىڭ تەڭگەلىك جەكەمەنشىك بالاباقشالارعا جۇرتتىڭ ءبارىنىڭ جاعدايى جەتپەيدى! ارزاندارىنىڭ ءتۇرى – اناۋ. مەن بۇل ماسەلەنى ءبىرىنشى رەت ايتىپ وتىرعان جوقپىن. ءبىراق ءبىزدىڭ ءبىلىم ءمينيسترى، وتباسى مەن بالالاردىڭ ماسەلەسىمەن اينالىساتىن دەپارتامەنتتەردەن ارەكەت بايقالمايدى. سىزدەر نەگە بۇل ماسەلەنى قولعا المايسىزدار؟ ول بالالاردىڭ ورنىندا وزدەرىڭىزدىڭ بالالارىڭىز نەمەسە نەمەرەلەرىڭىزدىڭ بولماۋىنا كىم كەپىل؟! حوش، جازعان جازبالارىم جەتەتىن جەرگە جەتپەسە، مىنبەردە ءسوز تيسە، ءمينيستردى كورسەم، ءبىرىنشى كەزەكتە وسى ماسەلەنى ايتامىن!

اسحات سادىربايدىڭ فەيسبۋك پاراقشاسىنان الىنعان

ۇسىنعان: اسەل بولات قىزى