الماتىدا قالالىق دەنساۋلىق ساقتاۋ باسقارماسىنىڭ بۇرىنعى باسشىسى سەرىكبول مۋسينگە ۇكىم شىعاردى، دەپ حابارلايدى Qamshy.kz اقپارات اگەنتتىگى Hola News سايتىنا سىلتەمە جاساپ. 

بۇگىن №2 مەدەۋ اۋداندىق سوتى مۋسيندى پارا بەرۋ فاكتىسى بويىنشا كىنالى دەپ تاۋىپ،  240 084 000 تەڭگە ايىپپۇل سالدى. بۇل العان پارادان 26 ەسە كوپ.

مۋسين ايىپپۇلدى ءبىر جىلدىڭ ىشىندە تولەپ ءبىتىرۋى كەرەك. تولەي الماسا، ونى تۇزەتۋ اباقتىسىنا جابادى. ۇكىم زاڭدى كۇشىنە ەنگەن جوق، اپەللياسيالىق شاعىم ءتۇسىرۋ ءۇشىن 15 كۇن بەرىلدى. 

2018 جىلىدىڭ 20 قىركۇيەگىندە سەرىكبول مۋسين الماتى قالاسى دەنساۋلىق ساقتاۋ باسقارماسىنىڭ باسشىسى قىزمەتىنەن بوساتىلعان بولاتىن. 6 اقپاندا № 2 مەدەۋ اۋداندىق سوتىنا مۋسينگە قاتىستى ءىس قوزعالادى. دەنساۋلىق ساقتاۋ باسقارماسىنىڭ بۇرىنعى باسشىسىنا پروكۋرورلارعا 25 مىڭ دوللار پارا بەردى دەگەن ايىپ تاعىلدى. سوتتا ول ءوزىنىڭ كىناسىن مويىنداعان جوق.

ۇسىنعان: مارجان سابەت