كەزەكتەن تىس پرەزيدەنت سايلاۋىنا قاتىسىپ جاتقان جەتى كانديداتتىڭ ءبىرى – سادىبەك تۇگەل تۋرالى تىڭ اقپاراتتاردىڭ از ەكەنى راس. "ۇلتىم" دەپ العا ۇمتىلىپ جۇرگەن ازاماتتىڭ ءبىرقاتار كولەمدى جوبالارى تۋرالى بىرەۋ بىلەدى، بىرەۋ بىلمەيدى. ازامات وسىنداي ءبىر جوباسىن جۇزەگە اسىرۋ بارىسىندا جيعان-تەرگەن مۇلكىن لومباردقا وتكىزگەن دەپ جازادى Qamshy.kz اقپارات اگەنتتىگى.

بۇل تۋرالى سادىبەك تۇگەلدىڭ جارى قاينيكامال تۇگەل-كەلىنىنىڭ قالامىنان تۋعان "دودادا توپتى جارعان ازاماتىم!" اتتى كىتابىندا جازىلعان.

"ءبىر-اق مىسال كەلتىرەيىن: - "قۇلاگەرگە ەسكەرتكىش سالۋ بارىسىندا قاراجاتتىڭ جوقتىعىنان سەن وتە قاتتى قينالدىڭ، تىعىرىققا تاپ بولدىڭ. ۇيقىسىز تۇندەر مەن جۇرەك اۋىرعاندى باستان كەشىردىڭ. سوندا، تىعىرىقتان شىعۋ ءۇشىن جانە ەل الدىنداعى ۋادەنى بۇلجىتپاي ورىنداۋ ماقساتىندا "لومباردقا" دۇنيە-مۇلكىڭدى سالدىڭ. نارتاۋەكەلگە باردىڭ، تىڭنان جول سالدىڭ، ناتيجەسىندە جەڭىسكە جەتتىڭ. سەنىڭ بۇل ەرلىگىڭدى تەك مەن عانا ەمەس، قالىڭ قازاق ءبىلىپ، قولداپ وتىر دەپ ايتا الامىن"، - دەيدى كانديداتتىڭ جارى ءوز شىعارماسىندا.

ەسكە سالا كەتەيىك، 9-ماۋسىمدا وتەتىن كەزەكتەن تىس پرەزيدەنت سايلاۋىنا سادىبەك تۇگەل "ۇلى دالا قىراندارى" قوزعالىسىنان ۇسىنىلعان ەدى. ءقازىر "كانديدات قاتارلى" ۇگىت-ناسيحات ناۋقانىندا جۇمىس جاساۋدا.

دايىنداعان: ادىلەت مادەنيەت