پوليسيا وكىلدەرى 13 جاستاعى "بالاپان" تەلەارناسىنىڭ جۇرگىزۋشىسىنىڭ ولىمىنە قاتىستى تەرگەۋ جۇمىستارىن جۇرگىزىپ جاتىر، - دەپ حابارلايدى Qamshy.kz اقپارات اگەنتتىگى نۇر-سۇلتان قالالىق پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

قۇزىرلى ورگان مالىمەتى بويىنشا، 13 جاستاعى قۇتجان باعلان جول جيەگىندە ۆەلوسيپەدپەن كەلە جاتىپ جول اپاتىنا ۇشىراعان. العان جاراقاتتارىنان ءجاسوسپىرىم اۋرۋحانادا قايتىس بولدى.

"10-مامىردا ساعات 17.30 شاماسىندا قوسشى اۋىلىنا الىپ باراتىن تاس جول بويىندا جۇك كولىگى مەن ۆەلوسيپەد سوقتىعىسىپ قالدى. كامەلەتكە تولماعان ۆەلوسيپەدتەگى ءجاسوسپىرىم دەنە جاراقاتىن الىپ، اۋرۋحاناعا تۇسكەن. 16-مامىردا ول قايتىس بولدى. ق ر قك 345-بابى "كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى" بويىنشا سوتقا دەيىنگى تەرگەۋ ءجۇرىپ جاتىر. ءتيىستى ساراپتامالار تاعايىندالدى"، - دەدى نۇر-سۇلتان قالالىق پوليسيا دەپارتامەنتىنىڭ وكىلى.

ەسكە سالا كەتەيىك،  بىرنەشە كۇن بۇرىن الەۋمەتتىك جەلىلەردە قۇتجان باعلاننىڭ قاتىسۋىمەن بولعان جول كولىك وقيعاسى تۋرالى اقپارات پايدا بولدى. "بالاپان" تەلەارناسىنىڭ ديرەكتورى ماقپال جۇماباي Instagram جەلىسىندەگى اككاۋنتىندا 13 جاستاعى جۇرگىزۋشىنىڭ مەرت بولعانىن جازعان.

ۇسىنعان: ادىلەت مادەنيەت