پوليسيا 13 جاستاعى «بالاپان» تەلەارناسىنىڭ جۇرگىزۋشىسى بولعان باعلان قۇتجاننىڭ ولىمىنە بايلانىستى تەرگەۋ امالدارىن جۇرگىزۋدە، دەپ جازادى Qamshy.kz اقپارات اگەنتتىگى نۇر-سۇلتان قالاسى پوليسيا دەپارتامەنتىنىڭ باسپا ءسوز قىزمەتىنىڭ tengrinews.kz سايتىنا بەرگەن مالىمەتىنە سىلتەمە جاساپ.

دەپارتامەنتىڭ حابارلاۋىنشا، 13 جاستاعى باعلان قۇتجان ۆەلوسيپەدپەن جول جيەگىندە كەلە جاتقاندا، جۇك كولىگىمەن سوقتىعىسىپ، وتە اۋىر جاراقات العان. جاراقاتتىڭ سالدارىنان جاس ءبۇلدىرشىن اۋرۋحانادا قايتىس بولعان.

"اعىمداعى جىلدىڭ 10 مامىرىندا ساعات 17.30-دا قوسشى اۋىلى باعىتى بويىنشا كەلە جاتقان جۇك كولىگى مەن ۆەلوسيپەد سوقتىعىسىپ، سالدارىنان ۆەلوسيپەد ايداپ كەلە جاتقان جاس بالا جاراقات الىپ، اۋرۋحاناعا جاتقىزىلدى. ول 16 مامىردا اۋرۋحانادا قايتىس بولدى. ق ر قك 345-بابى بويىنشا تەرگەۋ امالدارى جۇرگىزىلۋدە"، - دەدى نۇر-سۇلتان قالالىق پوليسيا دەپارتامەنتى.

ەسەتەرىڭىزگە سالا كەتەيىك، قايتىس بولعان باعلان قۇتجان "بالاپان" ارناسىنداعى "ويلان، تاپ!"، "ءبىز دە بال بولعانبىز"، "قۋىر، قۋىر، قۋىرماش"، "دۇرىس-بۇرىس" باعدارلامالارىن جۇرگىزگەن.