كونور ماكگرەگور يرلاندىق ءۇيسىز، از قامتىلعان وتباسىنا ارناپ 8 ءۇي سالدىرتىپ جاتىر دەپ حابارلايدى Qamshy.kz اقپارات اگەنتتىگى.

ادەتتە 30 جاستاعى سپورتشى الەۋمەتتىك جەلىنى ءوزىنىڭ شامامەن 75 ميلليون فۋنت ستەرلينگ قۇرايتىن بايلىعىن كورسەتۋ ءۇشىن پايدالاناتىن.

ءبىراق بۇل جولى ەكى سالماقتاعى UFC بۇرىنعى چەمپيونى كونور ماكگرەگور ءوزىنىڭ " اۋىز تولتىرارلىق ماقتانىشى" — دۋبليندەگى ءۇيسىز، از قامتىلعان وتباسىلارعا ارناپ سالدىرتىپ جاتقان سەگىز ءۇيدىڭ قۇرىلىسىن كورسەتتى.  

قۇرىلىس ورنىنا بۇگىن كەلدىم.  بۇل جىلجىمايتىن مۇلىك قۇرلىسىنداعى ەڭ العاشقى جوبام. 8 ءۇي بىتىۋگە تاياۋ قالدى. ۇيلەردە ءۇش جاتىن بولمەسى بار. مۇنىڭ ءبارى قالا بويىنشا ءاۇتۇرلى قوناقۇيلەردى مەكەن ەتىپ جۇرگەن، ءوز ۇيلەرى جوق وتباسىلارعا ارناپ سالىنىپ جاتىر. ءسال شىداسىن. داۋىلدان كەيىن دە كۇن شىعادى!

–"قۇرىلىس ايماعىن ارالاپ شىقتىم. بارلىق كورشىلەرمەن كەزدەستىم. جاقىندا وسىندا وتباسىلار تۇراتىنان سەزىپ، قۋانىپ تۇرمىن. ولاردىڭ جاڭا ەستەلىكتەرى، جاڭا ومىرلەرى باستالادى! مەن بۇل ءىسىمدى ماقتان تۇتامىن! يرلانديا جاساسىن!"

ماكگرەگوردىڭ الەۋمەتتىك جەلىدەگى جازىلۋشىلارى ادەتتە سپورتتىق كولىكتەر، قىمبات ۆيللالار مەن جەكە ۇشاقتارىنىڭ سۋرەتتەرىن عانا كورەتىن. ءبىراق بۇل جازباسى جانكۇيەرلەرى اراسىندا وتە جوعارى تانىمالدىلىققا يە بولىپ، وقىرماندارى چەمپيوندى باسقا قىرىنان تاني باستادى.