"14 مامىردا قالانىڭ گاۋدان ىقشام اۋدانىنداعى №84 بالاباقشا اۋلاسىندا كىشكەنتاي ءيتتى جاڭا تۋعان كۇشىكتەرىمەن بىرگە ارماتۋرامەن ۇرىپ ءولتىردى. بۇل ۋاقىتتا بالاباقشادا بالالار بولعان". ونىڭ ايتۋىنشا، يتتەردى بەگەنچ اتىنداعى كوممۋنالدىق قىزمەت وكىلى ولتىرگەن.

بۇل وقيعاعا كوپ ادام كۋا بولعان. "يت ۇزاق ءۇردى، سوسىن ۇلىدى. كورشى ۇيلەردىڭ تەرەزەلەرىنەن تۇرعىندار قاراپ تۇردى، ءبىراق ەشكىم اراشا تۇسپەدى. كۇشىكتەرى بار يت بالاباقشانى پانالاعان، ادامداردان تىعىلىپ جاتقان، ءبىراق مەكەمە مەڭگەرۋشىسى يت ولتىرەتىن قىزمەتتى شاقىرعان"، - دەدى كۋاگەرلەردىڭ ءبىرى.

بۇل ۋاقىتتا تۇرىكمەنستان پرەزيدەنتى گۋربانگ ۇلى بەردىمۇحامەدوۆ يت تۋرالى جاڭا كىتابىن 16 مامىردا كوپەتداگ تاۋلارىنداعى اقالتەكە جىلقى كەشەنىندە جازا باستاعان.

مەملەكەتتىك باسپاسوزدەردىڭ حابارلاۋىنشا، سول كۇنى پرەزيدەنت بەردىمۇحامەدوۆ شاپولات اتتى اقالتەكەمەن سەرۋەندەگەن، ودان سوڭ جاڭا تۋعان الاباي كۇشىكتەرىنە ات قويعان، سوسىن بارىپ جۇمىس كەڭسەسىندە ءيتتىڭ وسى ءتۇرى تۋرالى كىتاپ جازا باستاعان.

بيىل اقپان ايىندا مەملەكەت باسشىسى يتتەرگە ارنالعان كلينيكا اشۋدى تاپسىرىپ، "تۇركىمەن حالقى ءۇي جانۋارلارىن ءاردايىم قاستەرلەگەنىن" ايتقان. ءبىر اپتادان سوڭ ەلدەگى كاسىپكەرلەر پرەزيدەنت ۋادە ەتكەن كلينيكانى اشۋعا 62 000 دوللار جيناعان.

ۇسىنعان: اسەل بولات قىزى