جوعارى رادا دەپۋتاتى جانە راديكالدىق پارتيانىڭ كوشباسشىسى ولەگ لياشكو ۇلىقتاۋ ءراسىمى كەزىندە ۆلاديمير زەلەنسكييدىڭ ءسوزىن ءبولىپ، وعان قارسى كەلدى دەپ حابارلايدى Qamshy.kz اقپارات اگەنتتىگى Lenta.ru سايتىنا سىلتەمە جاساپ.

زەلەنسكيي دونباسس جايلى تاقىرىپقا اۋىسا باستاعان كەزىندە  ورىس تىلىنە اۋسقان. پرەزيدەنت رەسمي كييەۆ قىرىم مەن دونباسس جەرىنەن ايرىلعانىن جانە ونى قايتارۋ ءۇشىن ەشقانداي ارەكەت جاساماعانىن ايتتى. وسى كەزدە لياشكو پرەزيدەنتتىڭ ءسوزىن ءبولىپ، "رادا دەپۋتتاتتارى ۋكراين ءتىلىن تۇسىنەدى"،- دەپ بار داۋىسىمەن ايقايلاعان.

زەلەنسكيي: "ولار ورىس ءتىلىن دە، ۋكراين ءتىلىن دە تۇسىنەدى. ال سىزگە ادامداردى ءالى كۇنگە دەيىن ءتولقۇجات پەن تىلگە بولەتىنىڭىز ءۇشىن العىسىمىز شەكسىز، ولەگ مىرزا!"، دەدى.

20-مامىر كييەۆتە جاڭا پرەزيدەنت ۆلاديمير زەلەنسكييدىڭ ۇلىقتاۋ ءراسىمى ءوتتى. وندا  ۆيكتور يانۋكوۆيچتەن باسقا بۇرىنعى پرەزيدەنتتەردىڭ بارلىعى دا بولدى.

پرەزيدەنت ءسوز اراسىندا: "جامان ادام بولادى، ۇلتتىڭ جامانى بولمايدى"،- دەپ قىسقا قايىردى.

وقي وتىرىڭىز: زەلەنسكيي: سۋرەتىم ەش جەردە ىلىنبەۋى ءتيىس. پرەزيدەنت تابىناتىن يكونا ەمەس

اۋدارعان: بەك بايتاس