جاڭا زەلانديادا مەشىتتە ادامداردى اتقان ەر ادامعا قارسى ايىپتاۋ ءىسى باستالدى. بۇل تۋرالى Qamshy.kz اقپارات اگەنتتىگى جاڭا زەلانديانىڭ پوليسيا سايتىنا سىلتەمە جاساپ حابارلايدى.

برەنتون تاررانت 92 قىلمىس بويىنشا: 51 ءولىم، 40 ادامنىڭ ومىرىنە قاستاندىق جاساۋ بويىنشا  جانە تەراكت جاسادى دەپ ايىپتالىپ وتىر.

جاڭا زەلانديا تاريحىندا العاش رەت ەل ازاماتى تەراكت بويىنشا ايىپتالىپ جاتىر. ساراپشىلاردىڭ ايتۋىنشا، تاررانت 14-ماۋسىم كۇنى سوت الدىندا جاۋاپ بەرەدى. قازىرگى تاڭدا ول قاماۋدا وتىر. سونىمەن قاتار، وعان قارسى ءىس قوزعاۋ ءۇشىن، پسيحولوگيالىق ساراپتامادان ءوتۋى كەرەك.

ەستەرىڭىزگە سالا كەتەيىك، 2019 جىلى 15 ناۋرىزدا  جاڭا زەلاندياداعى كرايسچەرچتە (وڭتۇستىك ارال) ەكى مەشىتتە اتىس بولىپ، سونىڭ سالدارىنان 51 ادام قازا تاپتى، تاعى 50ء-ى ءتۇرلى جاراقاتتار الدى. ەلدىڭ پرەمەر-مينيسترى بۇل وقيعانىڭ تەراكت ەكەنىن ايتتى. 28 جاستاعى برەنتون تاررانت ادام ولتىرگەنى ءۇشىن ايىپتالىپ وتىر. ەسكەرتە كەتەيىك، سەنبىدە سوت ونى 5 ساۋىرگە دەيىن اباقتىعا قامادى.

اۋدارعان: يلدار اديلچەنوۆ